Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
AKTUALITET
Rruga drejt detit në Qerret e bllokuar me gardhe dhe rrjetë teli! Bllokohet hyrja për qytetarët
PiranjatPërditësimi i fundit 29 Maj 2026, 18:46
Ditën e djeshme, disa banorë të Qerretit denoncuan pranë redaksisë sonë një ndërhyrje të rëndë dhe të papritur në zonën e njohur si “Laguna Blu”.
Sipas dëshmive të banorëve, situata ka nisur në mëngjesin e 26 majit 2026, kur mjete të rënda dhe fadroma kanë hyrë në këtë hapësirë natyrore. Pa asnjë paralajmërim paraprak, makineritë kanë nisur prerjen e pishave, prishjen e mureve mbrojtëse dhe hapjen e një rruge të re drejt vijës bregdetare, duke krijuar një akses të pakontrolluar që, sipas tyre, rrezikon ekuilibrin ekologjik të zonës.
Ndërkohë, një grup tjetër banorësh, të cilët deklarojnë se nuk janë pjesë e resortit në fjalë, kanë denoncuar bllokimin e rrugës “Taulantia”. Ata akuzojnë disa banorë të resorteve private se prej vitesh po pengojnë hyrjen e qytetarëve dhe pushuesve drejt bregdetit.
Sipas denoncimit të mbërritur nga një qytetar, rruga është bllokuar me gardhe dhe tela, duke kufizuar aksesin e banorëve të zonës, pushuesve ditorë dhe turistëve në det.
Ai pretendon se situata është zhbllokuar vetëm pas ndërhyrjes së pushtetit lokal, ndërsa akuzon pronarët e disa vilave në resortet “Ada” dhe “Laguna Blue” për vendosje të paligjshme të gardheve deri në brezin ranor.
