Pak para zgjedhjeve për Parlamentin e Berlinit, grupi i hakerëve Rhysida vodhi të dhëna, shantazhoi Senatin e Berlinit dhe, pasi përp...
AKTUALITET
Rruga e Ishmit një “kurth vdekjeje”, institucionet heshtin para rrezikut
PiranjatPërditësimi i fundit 21 Dhjetor 2025, 17:27
Një qytetar ka denoncuar gjendjen e rënduar të një rruge në zonën e Ishmit, në Durrës, e cila prej më shumë se një muaji ndodhet në kushte tejet të rrezikshme. Sipas denoncimit, rruga është degraduar ndjeshëm dhe, pavarësisht kohës së gjatë që ka kaluar, nuk është marrë asnjë masë nga institucionet përgjegjëse për riparimin apo sinjalizimin e saj.
Qytetari thekson se situata aktuale përbën një rrezik serioz për drejtuesit e mjeteve dhe kalimtarët, duke e cilësuar zonën si një burim të vazhdueshëm aksidentesh.
“Një muaj e ca ka që rruga është në këtë gjendje dhe askush nuk ka marrë asnjë vendim për këtë problem të madh. Ky është një rrezik real, ku dikush mund të humbasë jetën,” shprehet ai.
Qytetari u bën thirrje autoriteteve lokale dhe institucioneve përgjegjëse që të reagojnë urgjentisht, për të shmangur pasoja të rënda dhe për të garantuar sigurinë e banorëve të zonës dhe të gjithë përdoruesve të rrugës.
Denoncimi i qytetarit: Pershendetje. Doja te ndaja ne shqetesim me ju… Ju lutem shperndajeni Kete problem. Kjo eshte gjendja e Rruges ne Zonen Ishmit te Durresit …askush Nuk ka marre asnje vendim per Kete Problem te madh. Ky eshte nje burim aksidenti qe dikush mund te vdesi Nje muaj e ca ka qe eshte keshtu.
