Një aksident rrugor është raportuar mesditën e sotme në fshatin Aliko të Vlorës.
Për pasojë kanë mbetur t&e...
AKTUALITET
Sekuestrohen mbi 26 mijë euro dhe paundë, procedohen dy shtetas për mosdeklarim parash në Rinas
PiranjatPërditësimi i fundit 9 Shkurt 2026, 14:22
Policia Kufitare ka sekuestruar mbi 26 mijë euro dhe paundë në dy raste mosdeklarimi në kufi.
Janë proceduar penalisht shtetasit D. Sh., 37 vjeç, me 15 000 paundë, dhe A. Z., 32 vjeç, me 11 370 euro. Materialet i janë referuar Prokurorisë së Tiranës.
Njoftimi:
PKK Rinas
Goditen dy raste të mosdeklarimit të vlerave monetare në kufi.
Sekuestrohen mbi 26 mijë euro dhe paundë.
Procedohen penalisht dy shtetas.
Në kuadër të kontrolleve të dedikuara, të bazuara dhe në analizën e riskut, me qëllim parandalimin dhe goditjen e çdo paligjshmërie, shërbimet e Policisë Kufitare të Rinasit kanë evidentuar dhe goditur dy raste të mosdeklarimit të parave në pikën e kalimit kufitar.
Në vijim të veprimeve u procedua penalisht në gjendje të lirë shtetasi shqiptar D. Sh., 37 vjeç, rezident në Mbretërinë e Bashkuar, të cilit, gjatë kontrollit në vijën e dytë, iu gjetën 15 000 paundë, që synonte t’i fuste në territorin e Republikës së Shqipërisë pa i deklaruar, në kundërshtim me legjislacionin në fuqi.
Po ashtu, u procedua penalisht shtetasi A. Z., 32 vjeç, banues në Kamëz, të cilit, gjatë kontrollit në vijën e dytë, iu gjetën 11 370 euro, që synonte t’i nxirrte nga Republika e Shqipërisë pa i deklaruar, në kundërshtim me ligjin.
Kontrollet dhe verifikimet nga Policia Kufitare do të vijojnë në mënyrë të pandërprerë, me qëllim parandalimin e veprimtarive të paligjshme në kufi.
Materialet procedurale iu referuan Prokurorisë së Tiranës, për veprime të mëtejshme.
