“Të tre i njoh, shuma çuna të mirë", banorët e Memaliajt: Shyqo punonte në lokal, hallexhi

Banori

MEMALIAJ- Lidhur me atentatin e ndodhur në Memaliaj mbrëmjen e shkuar ku humbën jetën 3 persona, kanë reaguar për mediat dhe banorët e qytetit. Këta të fundit shprehen të tronditur për ngjarjen. Ata thonë se që të tre viktimat rrjedhin nga familja të mira dhe aspak problematike dhe se atentati ku shenjestër kishte Shaqo Kalemin është i pazakontë në një vend si Memaliaj.

“Të tre i njoh, shuma çuna të mirë. Jem tronditur shumë”, thotë një banor.

“Shyqo punonte në lokal, hallexhi. Se ç’kanë ata nga brenda, nuk e dimë. Ishin njerëz të mirë”, shprehet një tjetër qytetar.

Ngjarja e rëndë ndodhi mbrëmjen e 20 korrikut 2024 dhe tronditi qytetin e Memaliajt rreth orës 23:20 në një lokal në lagjen nr 3, para godinës së bashkisë së këtij qyteti. Autorët ende të paidentifikuar kanë qëlluar me kallashnikov drejt viktimave. Burime nga grupi hetimor bëjnë me dije se objektiv i atentatit ka qenë Shyqyri Kalemi, ndërsa dy viktimat e tjera janë kamarieri dhe një klient i lokalit që ndodheshin aty në atë moment. 74-vjeçari është babai i Andrea Kalemit i njohur dhe si Adriatik Kalemi i cili dyshohet të jetë i përfshirë në vrasjen e biznesmenit Edmond Papa në dhjetor të 2022.

memaliaj