Konsumimi i mishit të pulës me antibiotik përbën një rrezik serioz për shëndetin e njeriut, pasi mbetjet e medikamenteve ve...
AKTUALITET
U denoncua nga “Piranjat”, arrestohet 39-vjeçari që përndiqte ish-bashkëshorten
PiranjatPërditësimi i fundit 21 Janar 2026, 11:19
Pas denoncimit nga emisioni “Piranjat”, policia e Lezhës ka arrestuar 39-vjeçarin me inicialet A. A., i cili aktualisht ishte nën masën e sigurisë “Arrest në shtëpi”, për përndjekje ndaj ish-bashkëshortes.
39-vjeçari pavarësisht se kishte masë sigurie, vijonte të përndiqte ish-bashkëshorten e tij, madje në momentin e arrestimit ndodhej në një lokal.
Njoftimi i policisë:
Drejtoria Vendore e Policisë Lezhë
Përndiqte ish-bashkëjetuesen, ndërkohë që ishte me masë sigurie “Arrest në shtëpi”, për të njëjtin krim, ndaj së njëjtës shtetase, arrestohet në ambientet e një lokali, 39-vjeçari.
Shtetasi mbante në automjet, 1 shufër hekuri, e cila u sekuestrua bashkë me celularin dhe me automjetin e tij.
Shërbimet e Komisariatit të Policisë Lezhë, në bashkëpunim me specialistët e Seksionit të Mbështetjes Operacionale, menjëherë pas kallëzimit të një shtetaseje, të shoqëruar nga gazetarë të emisionit “Piranjat”, se përndiqej nga ish-bashkëjetuesi i saj, organizuan punën dhe kryen veprimet operacionale të nevojshme, për kapjen e autorit.
Si rezultat, u kap në ambientet e një lokali, autori i dyshuar i rastit, shtetasi A. A., 39 vjeç, banues në Lezhë, i cili ishte aktualisht me masë sigurie “Arrest në shtëpi”, për veprën penale “Përndjekja”, ndaj së njëjtës shtetase që ishte e pajisur me urdhër mbrojtjeje ndaj tij.
Policia e Lezhës falënderon gazetarët e emisionit “Piranjat”, për bashkëpunimin në lidhje me këtë rast, si dhe fton ata, median në përgjithësi dhe qytetarët, që të vijojnë të bashkëpunojnë ngushtë me Policinë, duke denoncuar menjëherë çdo indicie që kanë për paligjshmëri.
