Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
U ekzekutua në sallën e Apelit, flet kolegu i gjyqtarit të ndjerë: Me Astritin kam punuar 31 vite, një njeri që e donte shumë komunitetin në Shkodër
PiranjatPërditësimi i fundit 7 Tetor 2025, 15:33
Për ngjarjen tragjike të ndodhur këtë të hënë, ku humbi jetën gjyqtari Astrit Kalaja brenda sallës së gjyqit, ka reaguar kolegu dhe miku i tij i ngushtë, Fuat Vejerdha, i cili ka ndarë kujtime dhe vlerësime për gjyqtarin që humbi jetën tragjikisht. Vejerdha, i cili ka punuar për 31 vjet krah Kalajës, e cilësoi atë një person të mrekullueshëm, të dashur dhe të respektuar nga të gjithë komuniteti i Shkodrës.
“31 vjet që punojmë bashkë, dhe nuk di si ta përshkruaj këtë ngjarje. Është diçka që nuk ka ndodhur kurrë. Ishte një djalë i mrekullueshëm, një koleg me shumë vlera. Një njeri që e donte shumë komunitetin në Shkodër,” – shprehu Vejerdha, i trishtuar për humbjen e mikut dhe kolegut të tij.
Ai theksoi gjithashtu se ngjarja e rëndë është një kujtesë për rëndësinë e sigurisë në gjykata dhe se “Duhet të jenë të rregullta pajisjet dhe për çdo sallë gjyqi, Këshilli i Gjykatës ka përcaktuar që të rrijë dikush roje,” tha ai, duke përmendur nevojën për përmirësimin e masave të sigurisë për të parandaluar ngjarje të tilla tragjike.
Gjyqtari Astrit Kalaja humbi jetën tragjikisht pas një sulmi të armatosur brenda sallës së gjyqit vetëm një ditë më parë, ku u qëllua për vdekje nga Elvis Shkambi.
