Policia përdori gaz lotsjellës dhe autobotë me ujë me presion të martën për të shpërndarë protestuesit n&eum...
AKTUALITET
U kap duke kultivuar bimë narkotike/ Arrestohet 48-vjeçari në krujë, në kërkim bashkëpunëtori
E.DPërditësimi i fundit 30 Maj 2025, 16:25
KRUJË- Një 48-vjeçar është arrestuar në Krujë, pasi u kap duke kultivuar bimë narkotike në fshatin Rranxë. Gjithashtu policia bën të ditur se është shpalluar në kërkim edhe bashkëpunëtori i tij.
Po ashtu gjatë veprimeve operacionale të kryera u sekuestruan me cilësinë e provës materiale, dy automjtet në të cilat u gjetën pesticide që përdorën në bujqësi. Ndërkohë materialet procedurale iu referuan Prokurorisë së Tiranës, për veprime të mëtejshme
Krujë/Vijon plani policor i posaçëm, i koduar “Koordinata”, për nxjerrjen para përgjegjësisë penale, të autorëve të kultivimit të bimëve narkotike.
U identifikua dje, si autor i kultivimit të bimëve narkotike, në fshatin Rranxë, lokalizohet dhe kapet 48-vjeçari. Punohet për kapjen e bashkëpunëtorit të tij, gjithashtu të identifikuar dje.
Si rezultat i kontrolleve të mbështetura te informacionet e inteligjencës policore, për kapjen e 2 shtetasve të cilët u identifikuan si bashkautorë të kultivimit të 136 bimëve narkotike, në fshatin Rranxë, shërbimet e Komisariatit të Policisë Krujë në bashkëpunim me Komisariatin e Policisë Nr. 5, lokalizuan dhe vunë në pranga njërin prej tyre, konkretisht shtetasin S. H., 48 vjeç.
Gjatë veprimeve operacionale të kryera dje u sekuestruan me cilësinë e provës materiale, automjeti i shtetasit S. H. dhe automjeti i bashkëpunëtorit të tij, shtetasit A. H., në të cilat u gjetën pesticide që përdorën në bujqësi.
Materialet procedurale iu referuan Prokurorisë së Tiranës, për veprime të mëtejshme.
