I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
U kap duke transportuar lëndë narkotike, 24-vjeçari përfundon në prangat e policisë
PiranjatPërditësimi i fundit 12 Tetor 2025, 12:39
Një 24-vjeçar është arrestuar nga Policia në qytetin e Laçit, pasi u kap duke transportuar lëndë narkotike të llojit kokainë dhe kanabis, me qëllim shpërndarjen.
Gjatë kontrolleve të ushtruara në qytet, efektivët ndaluan një automjet tip “Citroen”, i drejtuar nga i riu, banues në Laç, dhe gjatë kontrollit fizik ndaj tij, policia gjeti dhe sekuestroi një sasi lënde narkotike, e dyshuar si kokainë dhe kanabis.
Në cilësinë e provës materiale u sekuestruan, lënda narkotike, automjeti me të cilin lëvizte i dyshuari, si dhe një aparat celular.
Njoftimi i policisë:
Kurbin / Vijojnë kontrollet për evidentimin dhe goditjen e veprimtarive në fushën e narkotikëve
Posedonte lëndë narkotike të llojit kokainë dhe kanabis, me qëllim shpërndarjen, vihet në pranga një 24-vjeçar.
Shërbimet e Komisariatit të Policisë Kurbin, në vijim të punës për goditjen e veprimtarive të paligjshme në fushën e narkotikëve, kanë evidentuar dhe goditur një rast të kësaj veprimtarie kriminale.
Gjatë kontrolleve të ushtruara në qytetin e Laçit, shërbimet e Policisë kanë ndaluar automjetin tip “Citroen”, që drejtohej nga shtetasi D. P.
Gjatë kontrollit fizik të ushtruar ndaj këtij shtetasi, u gjet dhe u sekuestrua një sasi lënde narkotike e dyshuar si kokainë dhe kanabis.
Në cilësinë e provës materiale u sekuestruan lënda narkotike, automjeti tip “Citroen” dhe një aparat celular.
Në përfundim të veprimeve procedurale, u arrestua në flagrancë shtetasi D. P., 24 vjeç, banues në Laç, për veprën penale “Prodhimi dhe shitja e lëndëve narkotike”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme hetimore.
