Vinte baste sportive me telefon, arrestohet 32-vjeçari në Laç, shpallet në kërkim administratori i lokalit

pamje nga ngjarja

LAÇ- Një 32-vjeçar është kapur dhe arrestuar ditën e sotme duke vënë baste sportive me telefon në një lokal në Laç. Mësohet se F.K 32 vjeç iu sekuestrua edhe telefoni nga ku po vinte bastet.

Bëhet me dije se në kërkim është shpallur administratori i lokalit, J. B. alias J. Ll., 44 vjeç, për veprën penale “Vënia në dispozicion e lokaleve për lojëra të palejuara”. Po punohet për kapjen e 44-vjeçarit.

Njoftimi i Policisë:

Laç, Kurbin
U kap në flagrancë në lokal, teksa vinte baste sportive, me celular, arrestohet 32-vjeçari dhe i sekuestrohet celulari.
Shpallet në kërkim administratori i lokalit, i cili dyshohet se e kishte vënë ambientin, në dispozicion të kësaj veprimtarie të kundërligjshme.
Në bazë të informacioneve të siguruara nga inteligjenca policore, në kuadër të megaoperacionit kombëtar të koduar “Sundimi i ligjit”, se në një lokal në Laç, luheshin lojëra fati, në kundërshtim me ligjin, Komisariati i Policisë Kurbin ka ndërhyrë menjëherë në këtë ambient, dhë ka arrestuar në flagrancë, duke vënë bastë sportive, me celular, shtetasin F. K., 32 vjeç, banues në Laç.
Gjithashtu, ka identifikuar dhe shpallur në kërkim, administratorin e lokalit, shtetasin J. B. alias J. Ll., 44 vjeç, banues në Laç, për veprën penale “Vënia në dispozicion e lokaleve për lojëra të palejuara”. Punohet për kapjen e 44-vjeçarit.
Materialet procedurale i kaluan Prokurorisë, për veprime të mëtejshme.

lac baste sportive