Protestuesit janë shpërndarë pas hedhjes së ujit te Bulevardi.
Protestuesit janë ‘strehuar’ te Parku ‘Rinia’...
AKTUALITET
Vranë me çekiç 57-vjeçarin, kush janë të arrestuarit në Krujë
PiranjatPërditësimi i fundit 20 Janar 2026, 17:11
Tre persona përfunduan në pranga për përfshirjen në vrasjen me çekiç të 57-vjeçarit Petrit Ndou në Krujë.
Policia tha se arrestoi shtetasin Andri Vokrri si autor i vrasjes si dhe dy shokët e tij, Lorenc Goga dhe Fation Kulla, si bashkëpunëtor në krim.
Njoftimi:
Vihen në pranga, për moskallëzim krimi, 2 shtetas që kanë qenë të pranishëm gjatë konfliktit. Në përfundim të veprimeve hetimore të kryera nga specialistët për Hetimin e Krimeve të Rënda, në bashkëpunim me Komisariatin e Policisë Krujë, në drejtimin e Prokurorisë së Tiranës, për zbardhjen e dinamikës së konfliktit të ndodhur në aksin rrugor “Thumanë-Krujë”, si pasojë e të cilit humbi jetën nga goditja me sende të forta, shtetasi P. N., 57 vjeç, u arrestuan shtetasit:
-A. V., 28 vjeç, banues në FushëKrujë, për veprën penale “Vrasja me dashje”;
-L. G., 26 vjeç dhe F. K., 23 vjeç, për veprën penale “Moskallëzimi i krimit”.
Nga hetimet ka rezultuar se më datë 201.01.2026, rreth orës 01:00, në aksin rrugor “Thumanë-Krujë”, në afërsi të urës së Bushneshit, këta tre shtetas, ndërkohë që qarkullonin në një automjet, janë konfliktuar verbalisht me shtetasin P. N., i cili qarkullonte me automjetin e tij. Më pas, shtetasi A. V. ka goditur me çekiç, në kokë, shtetasin P. N., 57 vjeç, i cili si pasojë ka humbur jetën. Pas ngjarjes, shtetasit L. G. dhe F. K. janë larguar.
Në cilësinë e provës materiale janë sekuestruar 2 automjete dhe mjeti me të ciin dyshohet se është kryer krimi.
Materialet procedurale iu referuan Prokurorisë së Tiranës, për veprime të mëtejshme.la
