Vrasja e Regis Runajt/ Hoxha zbulon detaje nga dëshmia e Dumanit: Autorët përdornin Matrix për planifikimin e krimit

Duman, Runaj, Alibej

TIRANË - Gazetarja, Anila Hoxha ka zbuluar të tjera detaje në lidhje me dëshminë e të penduarit të Drejtësisë, Nuredin Dumanit në gjykatë, i cili dha detaje në lidhje me ekzekutimin e Regis Runajt, e urdhëruar nga vetë Dumani në bashkëpunim me Erion Alibejn.

E ftuar në emisionin "Top Story", Hoxha u shpreh se Dumani tha se Alibej merrte informacione nga kryekomisari Palushi në lidhje me hetimet, ku ky i fundit është arrestuar më parë nga policia. Më tej Hoxha u shpreh se autorët përdornin Matrix për planifikimin dhe vendosjen në zbatim të krimeve.

Hoxha: Ka kujtesë…është i dyti pas Adriatik Colit me një kujtesë të tillë qelizore, në mënyrën se si ai tregon. Kur foli për vrasjen e Regis Runajt, e habitshme ka thënë që Erion Alibej ishte në brendi të hetimeve për zbardhjen e vrasjes dhe njoftohej për deklaratat që jepeshin në polici. Sërish ka përmendur edhe një zyrtar që është arrestuar më herët, kryekomisar që është arrestuar bashkëpunonte me Alibejn, Palushi. Doli gjykata dhe policia e Elbasanit në dosjen e fundit nga përgjimet e Sky Ecc. Ai tregoi se si autorët përdornin Matrix për mënyrën se si do vendosej në zbatim vrasja e biznesmenit, Dumani ka përmendur Suel Çelën i cili vijon të jetë një i shumëkërkuar.

anila hoxha nuredin dumani spak