Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Zaptoi pronën shtetërore dhe ndërtoi vilë pa leje, AMP ekzekuton 7 masa sigurie për Kushtrim Selimin dhe punonjësit e përfshirë të policisë
S.BPërditësimi i fundit 2 Gusht 2024, 15:51
Kushtrim Selimi
DURRËS- Drejtoria Rajonale e Agjencisë së Mbikëqyrjes Policore Durrës-Kavajë ka ekzekutuar shtatë masa sigurie ndaj ish-shefit të sektorit të AMP Durrës dhe punonjësve të policisë. Bëhet fjalë për Kushtrim Selimin i cili është arrestuar pasi denigronte me lajme në portalin e tij drejtuesit e institucioneve të Policisë së Shtetit.
Kësaj here sipas njoftimit të AMP, mësohet se Selimi gjatë kohës që ka ushtruar detyrën si Shef sektori pranë AMP Durrës, ka zaptuar një sipërfaqe trualli e cila është pronë shtetërore në lagjen “Kallm” të Durrësit, ku dhe ka ndërtuar në mënyrë të jashtëligjshme një vilë. Bëhet me dije se punonjësit e policisë e dinin këtë fakt madje kishin siguruar edhe mjetet e nevojshme për ndërtim.
Ndaj Selimit është vendosur masa e sigurisë arrest me burg, si dhe është shpallur në kërkim pasi dyshohet se është larguar nga Shqipëria edhe pse ishte në detyrim paraqitje. Ndaj punonjësve janë vendosur masa të ndryshme nga arresti me burg deri te pezullimi nga detyra apo detyrim paraqitje.
Njoftimi:
Durrës – AMP ekzekuton 7 masa sigurie
Drejtoria Rajonale e Agjencisë së Mbikëqyrjes Policore Durrës – Kavajë ka zbatuar Urdhërin e ekzekutimit të vendimit të Gjykatës së Shkallës së Parë të Juridiksionit të Përgjithshëm Durrës, kërkuar nga Prokuroria në kuadër të procedimit penal të vitit 2024 për masat e sigurisë:
Masa e sigurimit personal “Arrest me burg” ndaj shtetasit K.S., i dyshuar për kryerjen e veprës penale “Shpërdorim i detyrës në bashkëpunim”, “Ndërtim i paligjshëm”, “Vjedhje e energjisë elektrike”. Shtetasi është shpallur në kërkim pasi nuk është bërë e mundur gjetja e tij.
Masa e sigurimit personal “Arrest me burg” ndaj shtetasit E.V., i dyshuar për kryerjen e veprës penale “Veprime që pengojnë zbulimin e të vërtetës”. Shtetasi është shpallur në kërkim pasi gjatë kontrollit nuk është gjendur në banesë.
Masa e sigurimit personal “Detyrim për tu paraqitur në Policinë Gjyqësore” ndaj shtetases R.O., e dyshuar për kryerjen e veprës penale “ Moskallëzim krimi”.
Masa e sigurimit personal “Pezullim nga detyra” ndaj punonjësit të policisë E.P. me detyrë Ndihmës Specialist i Policimit në Komunitet pranë Komisariatit të Policisë Durrës, i dyshuar për kryerjen e veprës penale “Shpërdorim të detyrës, i kryer në bashkëpunim”.
Masa e sigurimit personal “Pezullim nga detyra” ndaj punonjësit të policisë S.S. me detyrë Trupë Shërbimi i Trafikut Urban dhe Interurban në DVP Durrës, i dyshuar për kryerjen e veprës penale “Shpërdorim të detyrës i kryer në bashkëpunim”.
Masa e sigurimit personal “Pezullim nga detyra” ndaj punonjësit të policisë K.K. me detyrë Specialist i Rendit në Forcën e Posaçme Shqiponja në DVP Durrës, i dyshuar për kryerjen e veprës penale “Shpërdorim të detyrës i kryer në bashkëpunim”.
Masa e sigurimit personal “Pezullim nga detyra” ndaj punonjësit të policisë A.J. me detyrë Ndihmës Specialist i Policimit në Komunitet pranë Kommisariatit të Policisë Kavajë, i dyshuar për kryerjen e veprës penale “Shpërdorim të detyrës i kryer në bashkëpunim”.
Nga hetimet e kryera u siguruan prova se shtetasi K.S., gjatë kohës që ka ushtruar detyrën si Shef sektori pranë AMP Durrës, duke shfrytëzuar atributet e pozicionit, ka zaptuar një sipërfaqe trualli, pronë shtetërore në lagjen “Kallm” të Durrësit, ku dhe ka ndërtuar në mënyrë të jashtëligjshme një vilë.
Punonjësit e policisë, tashmë nën masa sigurie, në dijeni të veprimeve të kundraligjshmë kanë siguruar mjetet e nevojshme për ndërtim.
