Alarm për dronë në Itali, pezullohen fluturimet në aeroportin e Genovës
Një alarm për praninë e dronëve të paidentifikuar pranë pistës së fluturimit ka shkaktuar pezullimin e përkohshëm të trafikut ajror

Një alarm për praninë e dronëve të paidentifikuar pranë pistës së fluturimit ka shkaktuar pezullimin e përkohshëm të trafikut ajror në aeroportin “Cristoforo Colombo” të Genovës, në Itali.
Ngjarja është regjistruar mbrëmjen e së enjtes, më 19 nëntor, kur kulla e kontrollit ka konstatuar praninë e rreth katër ose pesë dronëve në afërsi të aeroportit, në të dyja anët e pistës. Për arsye sigurie, autoritetet vendosën të ndërpresin përkohësisht të gjitha lëvizjet ajrore.
Mes fluturimeve të prekura ishte edhe një avion i kompanisë ITA Airways, i cili ishte gati të nisej drejt Romës. Avioni mbeti i bllokuar në pistë pa marrë autorizimin për ngritje, ndërsa pasagjerët u zbritën përkohësisht dhe më pas u rikthyen sërish në bord.
Sipas raportimeve të mediave italiane, bëhet fjalë për një nga rastet e para të këtij lloji të regjistruara në aeroportet italiane. Për ngjarjen është njoftuar edhe autoriteti gjyqësor, ndërsa në vendngjarje kanë ndërhyrë forcat e policisë.
Deri më tani nuk ka një informacion përfundimtar mbi origjinën e dronëve apo personat që mund të kenë qenë përgjegjës për praninë e tyre pranë aeroportit.
Lexo edhe
BOTA
Pentagoni bën bilancin, lufta me Iranin i kushton SHBA-së 48.3 miliardë dollarë

DW: Kush flet në emër të Evropës në tryezën për paqe në Ukrainë?

Tragjedi në Gjeorgji, shpërthimi në pallat merr 6 jetë, mes viktimave edhe një fëmijë! 3-vjeçarja nxirret e gjallë nga rrënojat

Trump, Xi, Putin/ Çfarë u vendos në samitin historik mes tre fuqive botërore?

“I them tim biri se janë fishekzjarre”/ Qyteti jemenas nën rrethimin e Houthëve, banorët rrëfejnë për BBC-në ferrin e përditshëm...

Rusia sulm me raketa në zemër të Kievit, humbin jetën 3 persona, shpërthejnë zjarret në kryeqytetin ukrainas

Vala e defekteve teknologjike në SHBA, shkarkohet shefi i sigurisë kibernetike në Shtëpinë e Bardhë

Trump telefonon nga avioni liderët në samitin e Berlinit, i kritikon për planin për 70 miliardë euro ndihmë për Ukrainën





