Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
18-vjeçari hakëron disa ministri në Spanjë, arriti të fitonte akses edhe në bazën e të dhënave të NATO-s: Ishte një sfidë personale për mua, e bëra për qef!
n.fPërditësimi i fundit 5 Shkurt 2025, 19:22
SPANJË- Një 18-vjeçar nga një qytet i vogël në Alicante në Spanjë shkaktoi "kaos" pasi hakeroi shumë agjenci, ministri dhe kompani të vendit. Ai gjithashtu kishte arritur të fitonte akses në bazën e të dhënave të NATO-s.
Policia spanjolle arrestoi 18-vjeçarin pasi ai kishte hakëruar shërbimet kompjuterike tëMinistrisë së Mbrojtjes, Ministrisë së Arsimit, Formimit Profesional dhe Sporteve, universitete të ndryshme spanjolle, bazat e të dhënave ushtarake të NATO-s dhe SHBA-së si dhe kompani të tjera ndërkombëtare në pronësi të policisë së vendit.
Gjatë hetimeve, agjentët sekuestruan kriptovaluta dhe pajisje të ndryshme kompjuterike, të cilat po analizohen nga ekspertët, të cilët nuk përjashtojnë që 18-vjeçari të jetë i përfshirë edhe në krime të tjera kibernetike. I arrestuari përdorte pseudonime për të shmangur identifikimin dhe lidhjen me veprat penale dhe për të mos u gjurmuar.
Gjatë kontrollit në shtëpinë e tij, oficerët e policisë zbuluan më shumë se 50 llogari kriptomonedhash me lloje të ndryshme asetesh kripto, që është një shembull domethënës i njohurive të gjera që personi i arrestuar ka për botën e blockchain. Pasi fitoi akses në bazat e të dhënave, të cilat përmbanin informacione personale për punonjësit dhe klientët, si dhe dokumente të brendshme, më pas 18-vjeçari i shiste ato ose i postonte falas në forume.
Policia spanjolle nisi hetimin shkurtin e kaluar pas një ankese nga një kompani në Madrid e cila identifikoi një postim në një forum të specializuar për rrjedhjet e të dhënave. Sipas denoncimit, 18-vjeçari pretendonte se posedonte informacione nga kompania në forum. Duke hetuar ankesën, oficerët zbuluan se jo vetëm ishin nxjerrë të dhëna, por se i gjithë sistemi i kompanisë ishte komprometuar. Më pas kanë zbuluar të gjithë aktivitetin e të arrestuarit.
Lidhur me motivet e tij, 18-vjeçari tha se e bëri atë "për qejf" ndërsa theksoi se hakerimi në të gjitha këto organizata ishte një "sfidë personale" për të. Ai tha gjithashtu se ka fituar akses në të dhënat personale të dhjetëra mijëra oficerëve të ushtrisë dhe policisë në fund të vitit 2024.
