Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
BOTA
Afron i nxehti në Europë, nis vapa në Francë, termometri kap vlerën 38 gradë Celsius në Spanjë
PiranjatPërditësimi i fundit 22 Maj 2026, 14:19
“The Guardian” shkruan se Europa Perëndimore po përgatitet për valën e parë të nxehtësisë me termometrin që pritet të shënojë 10 gradë Celsius mbi normne, dhe rekorde të reja priten në disa vende për këtë muaj.
Media prestigjoze thotë se gjatë ditës së sotme, temperaturat në Portugali, Spanjë, Francë dhe Mbretërinë e Bashkuar pritet të kapërcejnë 30 gradët Celsius. Më saktësisht, në Paris dhe Londër ato llogaritet të mbërrijnë në 32°C, 35 gradë besohet të shkojnë në jugperëndim të Francës, dhe deri në 38°C në rajonin e Guadianës në Spanjë.
Météo-France paralajmëroi se “si temperaturat maksimale ashtu edhe ato minimale ka të ngjarë të arrijnë nivele të paprecedentë për stinën në rajone të shumta”. Ekspertët e tij e cilësojnë eventin si “të parakohshëm, intensiv dhe që mund të zgjatet për disa ditë”. Shërbimi meteorologjik francez i konsideron rekordet e reja pothuajse të sigurta, dhe shkak për këtë sipas tij, do të bëhet një front ajri të nxehtë që vjen nga Maroku, dhe bllokohet nën presionin e lartë të një anticikloni të fuqishëm.
Météo-France theksoi se ndryshimet klimatike do t`i bëjnë gjithmonë e më të shpejta dhe më intensive episode të tilla, teksa Europa është tashmë kontinenti që po ngrohet më shpejt në botë.
