Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
Aksident ajror në Itali/ Tre persona humbin jetën pas rrëzimit të një helikopteri, mes viktimave një biznesmen i njohur italian
r.llPërditësimi i fundit 5 Shkurt 2025, 21:57
pamje nga aksidenti
ITALI- Një aksident i rëndë ka ndodhur mbrëmjen e sotme në Itali, ku një helikopter është rrëzuar mbi fshatin Castel Guelfo në provincën e Parmës. Sipas raportimeve të mediave italiane, si pasojë e aksidentit kanë ndërruar jetë tre persona që ndodheshin në bordin e helikopterit.
Mes viktimave raportohet se është edhe Lorenzo Rovagnati, 41 vjeç trashëgimtari i kompanisë së mishit me të njëjtin emër. Avioni u rrëzua brenda pronës së kështjellës Castelguelfo, një vilë mesjetare përgjatë Via Emilia, në komunën e Noceto. Kalaja i përket familjes Rovagnati. Në bordin e avionit, përveç pasagjerit nga familja Rovagnati, ishin edhe dy pilotët.
Raportohet se zona ku ka ndodhur aksidenti ishte e mbuluar nga mjegulla e dendur. Ndërkohë Prokuroria Publike e Parmës ka urdhëruar sekuestrimin e kutisë së zezë dhe planet e fluturimit.
Ndër shkaqet e mundshme të aksidentit që po punojnë hetuesit është gabimi i pilotit i shkaktuar nga shikueshmëria e dobët për shkak të mjegullës së dendur ose një defekt mekanik i helikës së bishtit të helikopterit. Zëvendësprokurori i Parmës ndodhet në vendngjarje dhe po koordinon hetimet e karabinierëve. Zjarrfikësit dhe ekipet e kërkim shpëtimit po punojnë për nxjerrjen e trupave të viktimave nga rrënojat e avionit.
Lorenzo Rovagnati e vizitonte vilën në Castelguelfo pothuajse çdo të mërkurë, duke u larguar me helikopter nga shtëpia e tij e vendosur në zonën e Milanos dhe duke u ulur pranë pallatit në provincën e Parmës. Ende nuk është përcaktuar nëse aksidenti ka ndodhur gjatë uljes apo gjatë një manovre tjetër. Agjencia Kombëtare për Sigurinë e Fluturimeve ka nisur hetimet lidhur me ngjarjen e rëndë.
