Akuzohen për vrasjen e një 14-vjeçari, arrestohen dy adoleshentët në Britani

Foto ilustruese

BRITANI - Dy adoleshentë janë arrestuar ditën e sotme në Britani, pasi akuzohen për vrasjen e një djali 14-vjeçar, i cili u godit me thikë në mes të ditës në një autobus në Londër javën e kaluar. 14-vjeçari Kellyanne Bokassa u godit me thikë më 7 janar në Woolwich, në jug të Londrës . Ai dha frymën e fundit menjëherë pasi ekipet e ndihmës së parë mbërritën në vendngjarje.

Ngjarja e rëndë, dhe dëshmia e nënës së viktimës për lidhjet e djalit të saj me bandat e rrugës, ndezën debatin publik për plagën e armëve me tehe në Mbetërinë e Bashkuar dhe ndikimin e këtyre bandave te disa të rinj.

“Një djalë 15-vjeçar dhe një djalë 16-vjeçar janë arrestuar sot, më 15 janar, nën dyshimin për vrasje dhe janë dërguar në mbajtje”, thuhet në njoftimin e policisë.

Shefja e ekipit të inspektorëve të ngarkuar me hetimin Sarah Lee në një prononcim për mediat i cilësoi këto arrestime si një "hap të rëndësishëm".

Duke pranuar se ky incident ka pasur një ndikim të thellë te qytetarët e Woolwich. "Këto dy arrestime japin sigurinë se ne po bëjmë gjithçka në luftën kundër kriminelëve të dhunshëm në Londër".

Rrethi i Woolwich njihet si një zonë e infektuar nga bandat kriminale, disa prej të cilave janë të lidhura me tregtinë e drogës. Sakaq vrasja e adoleshentit vijon të jetë në hetim nga autoritet vendase.

vrasje britani