Arrestimi i serbit për sulmin në Zveçan, reagon Serbia: Është e qartë që Kurti do të përkeqësojë situatën!

Foto ilustruese

KOSOVË- Një person është arrestuar mbrëmjen e djeshme pasi dyshoeht se është përfshirë në sulmin ndaj pjesëtarëve të KFOR-it, vitin e kaluar në Zveçan. Zëvendësdrejtori i policisë për rajonin e veriut, Veton Elshani theksoi se i dyshuari me inicialet L.D u ndalua në një pikë të kontrollit në Bistricë. 

Në lidhje me arrestimin e serbit ka ardhur edhe reagimi nga e ashtuquajtura Zyrë serbe për Kosovën. Në reagim thuhet se arrestimi i serbit u bë pasi Qeveria e Kosovës po dëshiron të krijojë një krizë të re.

“Është e qartë që Kurti, duke e vazhduar terrorin, të cilin zakonisht e bën gjatë diskutimeve për mundësinë e vazhdimit të dialogut, dëshiron t’i provokojë serbët në Kosovë dhe të eskalojë situatën tutje, për të ikur nga obligimet në dialog,” thuhet në reagim sipas “Kosovo-Online”.

Rreth orës 19:00 është arrestuar L.D., i njëjti dyshohet për involvim në ngjarjet e majit 2023. Janë 93 pjesëtarë të KFOR-it që kanë qenë të lënduar në protestat e dhunshme. I dyshuari është duke u intervistuar në Stacionin Policor në Jug. Pas intervistimit pritet vendimi i prokurorit. Ai është arrestuar në Bistricë (Zveçan)

Më 29 maj 2023 nga sulmi i regjistruar u plagosën 93 ushtarë të KFOR-it, dhjetëra prej tyre rëndë. Plagosja e ushtarëve erdhi pas tensioneve nga protestuesit serbë për shkak të pakënaqësive për vendosjen e kryetarëve të zgjedhur në zgjedhjet e prillit të po këtij viti.

kfor sulm arrestim serbia