Ka përfunduar protesta e 50-të radhazi e qytetarëve para godinës së Kryeministrisë në Tiranë, ku pjesëmarrës...
BOTA
BE shtyn tarifat ndaj SHBA-së deri në mes të prillit/ Komisioneri Evropian i Tregtisë: Na jepet kohë shtesë për negociata me partnerët europianë
r.llPërditësimi i fundit 20 Mars 2025, 18:56
foto ilustruese
BRUKSEL- Bashkimi Evropian ka shtyrë vendosjen e tarifave të para kundër Shteteve të Bashkuara të Amerikës, të cilat u lajmëruan si kundërpërgjigje mbi tarifat e metaleve të presidentit Donald Trump. Shtyrja është vendosur deri në mes të prillit, duke e lejuar atë të rimendojë se cilat mallra amerikane të godasë dhe të ofrojë javë shtesë për negociata.
Komisioni Evropian kishte propozuar rivendosjen e tarifave të vitit 2018 mbi 4.5 miliardë euro (4.9 miliardë dollarë) të produkteve amerikane më 1 prill, e ndjekur nga goditja e 18 miliardë eurove të tjera të mallrave amerikane më 13 prill.
“Tani po shqyrtojmë të përafrojmë kohën e dy grupeve të kundërmasave të BE-së, në mënyrë që të mund të konsultohemi me vendet anëtare në të dyja listat njëkohësisht, dhe kjo do të na jepte gjithashtu kohë shtesë për negociata me partnerët tanë amerikanë”, tha Komisioneri Evropian i Tregtisë Marosh Shefçoviç në një seancë dëgjimore në Parlamentin Evropian të enjten.
Më 12 mars, Komisioni Evropian përcaktoi se tarifat e reja do të synojnë produkte industriale, përfshirë çelikun, aluminin, mjetet e punës, plastikat dhe produktet prej druri. Gjithashtu, masa do të prekë edhe disa produkte bujqësore amerikane me tarifa 25% njësoj siç janë vendosur nga Shtetet e Bashkuara të Amerikës. Presidentja e Komisionit Europian Ursula Von Der Leyen deklaroi se Unioni është i hapur për negociata ndërsa shtoi se një botë me pasiguri të larta gjeopolitike dhe ekonomike nuk është në interesin e askujt.
