Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
BOTA
BE: Të gatshëm të përgjigjemi me forcë nëse shënjestrohemi nga tarifat e padrejta të Trump!
n.fPërditësimi i fundit 2 Shkurt 2025, 20:05
EVROPË- Bashkimi Evropian në një reagim së fundmi është shprehur se se është i gatshëm të përgjigjet me forcë nëse shënjestrohet nga tarifat e SHBA-së. Më tej në reagim BE shprehu keqardhjen për rritjen e taksave për produktet nga Kanadaja, Meksika dhe Kina. Bashkimi Evropian e cilësoi këtë masë si të dëmshme për të gjitha palët.
"BE është plotësisht e bindur se tarifat e ulëta promovojnë rritjen dhe stabilitetin ekonomik, por do të përgjigjet me forcë nëse synohet nga tarifat të padrejta", paralajmëroi Komisioni Evropian.
Duhet theksuar se tarifat e SHBA-së ndaj Kanadasë, Meksikës dhe Kinës, siç njoftoi Shtëpia e Bardhë, do të hyjnë në fuqi nga e marta, më 4 shkurt, me reagimin e tre vendeve që do të jetë i menjëhershëm dhe do të përgjigjen me tarifa hakmarrëse.
“Njoftimi i sotëm i tarifave është i nevojshëm për të mbajtur përgjegjës Kinën, Meksikën dhe Kanadanë për premtimet e tyre për të ndaluar fluksin masiv të drogave helmuese në Shtetet e Bashkuara”, tha Shtëpia e Bardhë në një postim në X (ish-Tëitter).
Këto janë tarifa 25% për importet nga Kanadaja dhe Meksika dhe tarifat 10% për importet nga Kina. Përgjigja nga Kanadaja, Meksika dhe Kina ishte e menjëhershme dhe e qartë. Kryeministri kanadez Justin Trudeau njoftoi të shtunën (2/2) se do të vendoste tarifa 25% për produktet amerikane, në total 102 miliardë euro.
Vlen të theksohet se kjo sasi përkon me 1/5 e importeve vjetore amerikane në Kanada. Tarifat gjithashtu kanë hyrë në fuqi dhe kanë të bëjnë me produktet e konsumit aktual, si birra, vera dhe borboni amerikan, frutat dhe lëngjet por edhe për perimet, parfumet, rroba dhe këpucë, pajisje shtëpiake, mobilje dhe pajisje sportive, materiale si druri dhe plastika.
