Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
BOTA
Bujë në Itali/ Riprodhuan zërin e ministrit të mbrojtjes me AI dhe përfituan para nga biznesmenë: Na duhet shpërblim për të liruar gazetarët dhe ushtarët e rrëmbyer jashtë vendit!
n.fPërditësimi i fundit 10 Shkurt 2025, 11:15
ITALI- Një “mashtrim teknologjik” i ri ka bërë bujë në Itali. Hakerat dyshohet se kanë përdorur mjete të inteligjencës artificiale për të riprodhuar zërin e ministrit të Mbrojtjes, Guido Crosetto dhe kanë arritur të nxjerrë shuma të mëdha parash.
Duke u shtirur si ministër dhe gjoja bashkëpunëtorët e tij të ngushtë, anëtarët e bandës kanë kontaktuar me telefon biznesmenë të njohur. Mes tyre, me Giorgio Armani, Diego Della Valle, themelues i një kompanie të famshme këpucësh por edhe me Massimo Moratti, pronar i ekipit të futbollit Inter, si dhe një kompani nafte.
Kriminelët u kërkonin të gjithëve para, për të paguar një shpërblim dhe për të liruar gazetarët dhe ushtarët italianë të rrëmbyer jashtë vendit. Anëtarët e bandës siguruan bashkëbiseduesit se shumat përkatëse do t'u kthehen më pas nga Banka e Italisë.
Sipas informacioneve të deritanishme, i vetmi që dyshohet se ka rënë në kurth është Massimo Moratti. Sipas informacioneve, ka mundësi të ketë depozituar afërsisht një milion euro në një llogari bankare të huaj.
Mashtrimi u zbulua nga nënkryetarja e Shoqatës së Industrialistëve Italianë, Luisa Aleotti, e cila e njeh personalisht ministrin italian të mbrojtjes dhe e kuptoi se nëse Crosetto donte vërtet t'i kërkonte diçka, nuk do të kishte pasur ndërmjetës që ta thërrisnin.
Guido Crosetto njoftoi se nesër do të ngrejë padi për vjedhje të paligjshme identiteti dhe se po pret që të thirret nga prokurorët e Milanos për të raportuar se çfarë i thanë biznesmenët që ishin vënë në shënjestër të bandës dhe që më në fund arritën ta kontaktojnë.
