Teksa shkallmuan thuajse të gjithë gurët e trotuareve, nga frika e sulmeve nga protestuesit, sot punonjës të bashkisë janë fu...
BOTA
Bullgaria dënon fuqishëm dhunën ndaj Forcave Paqeruajtëse të NATO-s në Kosovë: Zbatimi i marrëveshjeve, e vetmja rrugë para
PiranjatPërditësimi i fundit 31 Maj 2023, 22:19
Bullgaria dënon fuqishëm dhunën ndaj forcës paqeruajtëse të NATO-s në Kosovë dhe shpreh solidaritetin e plotë me ushtarakët e plagosur.
Përmes një mesazhi në Twitter, Ministria e Punëve të Jashtme bullgare shkruan: “Ne u bëjmë thirrje të gjitha palëve për de-përshkallëzim. Zbatimi i marrëveshjeve të ndërmjetësuara nga BE mbetet e vetmja rrugë përpara”.
Në lidhje me protestat dhe përshkallëzimin e tensioneve sociale në ditët e fundit në Kosovë, KFOR-i po kryen detyra për të garantuar rendin dhe sigurinë në zonën e veriut të Kosovës, në përputhje me Rezolutën 1244 të Këshillit të Sigurimit të OKB-së. Aktualisht, deri në 35 trupa bullgare po marrin pjesë në operacionin e NATO-s në Kosovë, duke kryer detyra që kanë të bëjnë me përmirësimin e sigurisë.
Serbët, të cilët janë shumicë në veri të Kosovës, nuk e njohin pavarësinë e Kosovës, e cila u shpall në vitin 2008. Ata refuzuan të marrin pjesë në zgjedhjet lokale të mbajtura në muajin prill dhe kandidatët me origjinë shqiptare fituan zgjedhjet në katër komuna me shumicë serbe më një pjesëmarrje prej 3.5%. Serbët i kanë bërë thirrje qeverisë së Kosovës që të largojë kryetarët shqiptarë nga komunat dhe të lejojë administratat lokale, të financuara nga Beogradi, të kthehen në detyrë.
