Mjekët i janë bashkuar gjatë ditës së sotme protestës së studentëve dhe thirrjeve të tyre për dorëheqje...
BOTA
Dënim me vdekje për vrasësin e Charlie Kirk, zbulohen mesazhet me të dashurin "trans" pas ngjarjes
PiranjatPërditësimi i fundit 16 Shtator 2025, 21:48
Tyler Robinson përballet me dënimin me vdekje pas ngritjes së akuzave për vrasjen e Charlie Kirk. Robinson, një student 22-vjeçar, akuzohet se qëlloi aktivistin konservatorin ndërsa ai fliste në një kampus kolegji në Utah.
Duke njoftuar akuzat kundër Robinson, Jeff Gray, prokurori i qarkut të Utah, tha: "Po paraqes një njoftim për qëllimin për të kërkuar dënimin me vdekje. Nuk e marr këtë vendim lehtë, dhe është marrë në mënyrë të pavarur si prokuror i qarkut bazuar vetëm në rrethanat dhe natyrën e krimit."
Gray tha se ADN-ja në përputhje me Robinson u gjet në këmbëzën e një pushke të gjetur pranë vendit të krimit. Ai tha se Robinson "fshehu armën, hodhi rrobat që mbante kur qëlloi me pushkë dhe i tha shokut të tij të dhomës të fshinte mesazhet inkriminuese".
Prokurori ka zbuluar edhe mesazhet e Robinson me të dashurin e tij transgjinor, kur i rrëfeu se ishte ai autori i vrasjes së Kirk. Kur ai e pyeti se përse e kishte bërë, ai tha ndër të tjera: "E teproi me urrejtjen. Kishte shumë ligësi te ai. Po përhapte shumë urrejtje". Kështu iu përgjigj edhe prindërve të tij, Robinson, kur e pyetën për krimin, para se ta bindnin që të dorëzohej.
Më vonë, Robinson i tha se ndodhej ende në qytetin Orem dhe po përpiqej të rimerrte pushkën nga vendi i ngjarjes. Partneri e pyeti: “Nuk ke qenë ti që e bëre, apo jo????” Robinson u përgjigj: “Më vjen keq, më vjen keq.” Ai pranoi se e kishte planifikuar sulmin “për më shumë se një javë”. I pyetur për arsyen, u shpreh: “Isha ngopur me urrejtjen e tij. Ka disa urrejtje që nuk negociohen.” Robinson shtoi se, nëse do të arrinte të merrte pushkën, nuk do të kishte lënë asnjë provë.
Prokuroria e akuzon atë për vrasje të rënduar, përdorim të paligjshëm të armës së zjarrit, pengim të drejtësisë dhe korrupsion të dëshmitarëve – gjithsej shtatë akuza. Akuzat për korrupsion të dëshmitarëve lidhen me kërkesën që Robinson i kishte bërë partnerit të tij për të fshirë mesazhet dhe për të mos folur.
