Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
BOTA
Video/ Droni rus godet universitetin në qytetin Ukrainas
PiranjatPërditësimi i fundit 16 Shtator 2025, 15:55
Një tjetër sulm ajror ka tronditur Ukrainën, kur një dron kamikaz rus goditi në qendër të qytetit Kharkiv, duke shënjestruar Universitetin Kombëtar Farmaceutik. Pamje të rënda tregojnë momentin kur droni përplaset me ndërtesën universitare, duke shkaktuar një shpërthim të fuqishëm. Kalimtarë të tmerruar shihen duke vrapuar për t’u larguar nga skena e sulmit.
Ngjarja ndodhi rreth orës 11:00 të paradites, ku sipas kryebashkiakut Ihor Terekhov, të paktën katër persona mbetën të plagosur. Guvernatori Oleh Syniehubov e cilësoi sulmin si “akt terrori në mes të ditës”, duke theksuar se objekti i dëmtuar ishte civil dhe pa asnjë lidhje me industrinë e mbrojtjes.
Ky bombardim pason një tjetër sulm gjatë natës në Zaporizhzhia, ku raketat ruse plagosën 13 persona, mes tyre dy fëmijë, duke dëmtuar mbi 20 pallate.
Presidenti Volodymyr Zelensky, duke reaguar pas sulmeve të njëpasnjëshme, i bëri thirrje aleatëve të nisin menjëherë krijimin e një “ombrelle të përbashkët ajrore” mbi Evropë, pasi vetëm në dy javët e fundit Rusia ka lëshuar mbi 3.500 dronë, gati 200 raketa dhe mbi 2.500 bomba ajrore kundër Ukrainës.
Në kundërpërgjigje, ushtria ukrainase konfirmoi se ka goditur një rafineri nafte në rajonin e Saratovit në Rusi, duke shkaktuar shpërthime dhe zjarr në objekt.
