Kryeministri shqiptar, Edi Rama, synon të ashpërsojë gjatë ditëve të ardhshme legjislacionin që rregullon demonstratat, duke ...
BOTA
Droni i dyshimtë alarmon Lituaninë, mbyllet aeroporti i Vilniusit! Ushtria u dërgon mesazh banorëve: Shkoni në stehimoret më të afërta!
PiranjatPërditësimi i fundit 20 Maj 2026, 11:12
Lituania u vu në gatishmëri të lartë të mërkurën, pasi autoritetet lëshuan një paralajmërim duke i nxitur qytetarët të kërkonin strehim dhe pezulluan përkohësisht operacionet në aeroportin e Vilniusit, pas raportimeve për një dron të dyshimtë që mendohet se po shkonte nga Bjellorusia drejt vendit.
Sipas ‘Reuters’, ushtria lituaneze u dërgoi një mesazh banorëve të kryeqytetit Vilnius duke u kërkuar atyre që të zhvendoseshin menjëherë në një vend të sigurt dhe të prisnin udhëzime të mëtejshme nga autoritetet.
“Kërkoni strehim menjëherë në një vend të sigurt, kujdesuni për të dashurit tuaj dhe prisni udhëzime të mëtejshme”, thuhej në mesazhin e ushtrisë lituaneze, pa specifikuar se për sa pjesë të popullsisë u shpërnda.
Në të njëjtën kohë, një paralajmërim i ngjashëm u transmetua brenda parlamentit lituanez, me një njoftim nga sistemi i interfonit që u bënte thirrje atyre që ishin në ndërtesë të shkonin në strehimoret më të afërta për shkak të “rrezikut të sulmit ajror”.
Qendra kombëtare e menaxhimit të krizave të vendit kishte njoftuar më parë se kishte lëshuar një alarm pasi një dron u vu re në Bjellorusinë fqinje, i cili thuhet se po lëvizte drejt hapësirës ajrore lituaneze.
Autoritetet sqaruan, megjithatë, se origjina e avionit pa pilot nuk është konfirmuar ende.
Si pjesë e masave të sigurisë, trafiku në aeroportin e Vilniusit u pezullua gjithashtu përkohësisht, ndërsa shërbimet e sigurisë dhe ushtria mbetën në gatishmëri.
Incidenti vjen në një kohë tensionesh të larta në rajonin e Baltikut dhe një sërë shkeljesh të hapësirës ajrore, mes sulmeve të shpeshta ukrainase ndaj objektivave ruse.
Vetëm një ditë më parë, një avion luftarak i NATO-s rrëzoi një dron të dyshuar ukrainas mbi Estoni , sipas një deklarate nga autoritetet e vendit baltik, duke rritur shqetësimet për sigurinë në rajonin e gjerë.
