Nga Albana Deda
Mirëmbrëma! Unë jam Albana Deda dhe jam pedagoge në Universitetin e Tiranës prej gati 30 vitesh.Gjatë këtyre...
BOTA
"Duhet të sillet mirë", Trump: I hapur ndaj mundësisë së një udhëheqësi fetar në Iran
PiranjatPërditësimi i fundit 6 Mars 2026, 18:51
Në një intervistë për CNN të premten, presidenti amerikan Donald Trump deklaroi se është i hapur ndaj mundësisë që Irani të drejtohet edhe nga një lider fetar, për sa kohë që ai sillet mirë ndaj Shteteve të Bashkuara dhe Izraelit.
Trump u shpreh se për të nuk është thelbësore nëse Irani është një vend demokratik. “Jo, unë po them se duhet të ketë një udhëheqës që është i drejtë dhe i paanshëm, që bën një punë të mirë dhe i trajton mirë Shtetet e Bashkuara dhe Izraelin, si edhe vendet e tjera të Lindjes së Mesme, të cilat janë partnerët tanë”, tha ai.
Presidenti amerikan theksoi gjithashtu se gjatë mandatit të tij kishte arritur të përmirësonte marrëdhëniet me disa vende kyçe të rajonit. Sipas tij, para përfshirjes së tij në politikën e Lindjes së Mesme, SHBA nuk kishte komunikim të mirë me vende si Emiratet e Bashkuara Arabe dhe Arabia Saudite.
Trump kritikoi administratat e mëparshme të udhëhequra nga Joe Biden dhe Barack Obama, duke pretenduar se ato i kishin përjashtuar disa aleatë të rëndësishëm në rajon, përfshirë edhe Katarin. “Të gjitha do të shkonin drejt Kinës, por unë u përfshiva dhe në një kohë shumë të shkurtër u bëmë miq”, tha ai.
Duke folur për operacionin ushtarak të SHBA-së kundër Iranit, Trump e vlerësoi atë jashtëzakonisht lart. “E vlerësoj me 12, ndoshta 15 nga 10”, deklaroi ai./PiranjatNews/
