Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Dyshohet se u th*r me thikë nga dy fëmijët e saj të mitur, kryebashkiakja në gjendje të rënduar
PiranjatPërditësimi i fundit 8 Tetor 2025, 12:10
Gjermania është tronditur nga një ngjarje e rëndë që përfshin kryetaren e sapozgjedhur të bashkisë së Herdecke, Iris Stalzer, e cila u sulmua me thikë në banesën e saj, duke mbetur në gjendje kritike.
Ngjarja ndodhi mesditën e së martës në North Rhine-Westphalia, ku 57-vjeçarja Stalzer, që kishte fituar mandatin më 28 shtator dhe pritej të merrte detyrën më 1 nëntor, u gjet e mbuluar me gjak në shtëpinë e saj, me 13 plagë me thikë në bark dhe shpinë.
Ajo u transportua me helikopter drejt një spitali në Bochum, ku iu nënshtrua një ndërhyrjeje të gjatë kirurgjikale. Mjekët kanë bërë të ditur se gjendja e saj shëndetësore mbetet kritike, por e qëndrueshme, ndërsa 48 orët e ardhshme janë vendimtare për mbijetesën e saj.
Sipas autoriteteve, ngjarja fillimisht u raportua nga djali i saj, i cili tha se nëna ishte sulmuar nga “disa burra” në rrugë, por hetimet nuk gjetën asnjë provë që mbështet këtë version.
Policia ka fokusuar hetimet brenda familjes, duke ndaluar dy fëmijët e adoptuar të Stalzer, të moshës 15 dhe 17 vjeç, të cilët ndodheshin në banesë në momentin e sulmit. Edhe pse nuk janë ngritur ende akuza zyrtare, autoritetet dyshojnë për motive personale ose familjare që mund të kenë çuar në sulm.
Sipas raportimeve të transmetuesit publik WDR, fillimisht dyshimet u drejtuan ndaj djalit 15-vjeçar, i cili u shoqërua me pranga për të parandaluar humbjen e provave. Fqinjët kanë raportuar se dëgjuan një debat mes tij dhe Stalzer përpara se të njoftohej ambulanca.
Megjithatë, hetimet kanë sjellë në vëmendje vajzën 17-vjeçare të adoptuar, e cila tani dyshohet si autorja kryesore e sulmit. Ajo mësohet se ka qenë e përfshirë më parë në një incident me thikë në një shkollë, çka po merret në konsideratë nga hetuesit si një element i mundshëm për të zbardhur ngjarjen.
Hetimet janë në vijim dhe autoritetet gjermane ende nuk kanë dhënë detaje të plota mbi motivet e mundshme apo mbi vendimet që pritet të merren në lidhje me të miturit e përfshirë në këtë incident të rëndë.
