Pedagogu Aleksandër Kovaçi tha para derës së kryeminsitrisë se nuk do të ketë dilaog me Ramë...
BOTA
E dhimbshme në Gaza/ Bombardimet izraelite vrasin të paktën 21 persona, mes tyre edhe fëmijë (FOTO)
E.DPërditësimi i fundit 1 Tetor 2024, 15:51
GAZA- Sulmet ajrore izraelite kanë vrarë të paktën 21 persona në Gaza. Ushtria izraelite tha të martën se kishte kryer një sulm duke synuar një qendër komanduese të Hamasit. Megjithatë, ajo nuk bëri asnjë koment të menjëhershëm për dy sulme në dy shtëpi që zyrtarët palestinezë të shëndetësisë thanë se vranë të paktën 13 njerëz, përfshirë gra dhe fëmijë, në Nuseirat.
Ndërsa sulmi tjetër, në një shkollë që strehonte familjet e zhvendosura palestineze në lagjen Tuffah të qytetit të Gazës, vrau të paktën shtatë persona. Ushtria izraelite tha në një deklaratë se sulmi ajror kishte në shënjestër luftëtarët e Hamasit që vepronin nga një qendër komandimi e vendosur në një kompleks që më parë kishte shërbyer si Shkolla Shujayea. Ai akuzoi Hamasin për përdorimin e popullsisë civile dhe objekteve për qëllime ushtarake, gjë që Hamasi e mohon.
Më vonë të martën, dy sulme të veçanta izraelite vranë pesë palestinezë në Rafah në Rripin jugor të Gazës dhe në periferi Zeitoun të qytetit të Gazës. Në Khan Younis, në jug të enklavës, gjashtë palestinezë u vranë në një sulm ajror izraelit në një tendë që strehonte njerëz të zhvendosur. Dy sulmet e fundit do të rrisin numrin e të vdekurve në të paktën 31, por raportet mbeten të paverifikuara.
Krahët e armatosur të Hamasit, Xhihadit Islamik dhe fraksioneve të tjera më të vogla thanë në deklarata të veçanta se luftëtarët e tyre sulmuan forcat izraelite që vepronin në disa zona të Gazës me raketa antitank, zjarr mortajash dhe mjete shpërthyese. Rritja e përsëritur e sulmeve në Gaza erdhi pasi Izraeli nisi një operacion tokësor në Liban, duke thënë se parashutistët dhe komandot e tij ishin përfshirë në luftime intensive me Hezbollahun e mbështetur nga Irani.
Konflikti vjen pas sulmeve shkatërruese ajrore izraelite kundër udhëheqjes së Hezbollahut. Disa palestinezë thanë se kishin frikë se zhvendosja e fokusit të Izraelit në Liban mund të zgjaste konfliktin në Gaza, i cili shënon përvjetorin e tij të parë javën e ardhshme.
“Sytë e botës tani janë në Liban, ndërkohë që pushtimi vazhdon vrasjen e tij në Gaza. Kemi frikë se lufta do të vazhdojë të paktën për më shumë muaj. Është gjithçka e paqartë tani pasi Izraeli lëshon forcën e tij të padekur në Gaza, Jemen, Siri, Liban dhe Zoti e di se ku tjetër në të ardhmen," tha Samir Mohammed, 46 vjeç, baba i pesë fëmijëve nga qyteti i Gazës.
