Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
BOTA
E mbyllur në një kafaz 200 metra nën tokë, pengu izraelit përshkruan tmerret e përjetuara për 50 ditë: OKB-ja nuk ka ngritur asnjë gisht!
n.fPërditësimi i fundit 8 Nëntor 2024, 10:16
Mia Shem
GAZA- Pengu izraelit, Mia Shem ka përshkruar përvojën e saj të tmerrshme në një kafaz pesë metra të lartë ku Hamasi e mbylli atë dhe gratë e tjera 200 metra nën tokë. Ajo më tej akuzoi OKB-në se nuk ka ngritur asnjë gisht për të liruar pengjet. 22-vjeçarja ka përjetuar një eksperiencë të tmerrshme dhe e ka përshkruar para kamerave dhe botës.
Mia Shem tha se ishte mbyllur në një kafaz 5 metra të lartë 200 metra nën tokë pa ajër apo dritë për pesë ditë me disa gra të tjera. Ajo më parë përshkroi se ishte udhëhequr në kafaz për dy orë nëpër tunelet e Gazës, me një terrorist të armatosur përpara dhe terroristë të armatosur prapa" pas 50 ditësh në robëri.
“Për 50 ditë më mbajtën vetëm, vuajta nga një dhimbje e padurueshme në dorë pa asnjë trajtim. Një terrorist i Hamasit u ul para meje në një dhomë të errët me një armë të drejtuar në kokë. Asnjë agjenci humanitare nuk më pa dhe nuk u kujdes për mua edhe kur krahu im po përkeqësohej. Ku ishte Kryqi i Kuq? Ku kërkonte OKB-ja të kishte akses tek ne?" tha ajo.
Ajo shtoi se 60 metra nën tokë pa ajër, pa dritë, pa shpresë, miqtë e saj mbahen ende nga përbindëshat.
“Zemra ime është ende me ta, të burgosur në Gaza. Unë qëndroj këtu dhe kërkoj që t'i sillni të gjithë në shtëpi tani! Ka kaluar më shumë se një vit dhe OKB-ja nuk ka ngritur asnjë gisht për të liruar pengjet”, shtoi ai.
Schem po fliste së bashku me ambasadorin e OKB-së, Danny Danon, i cili gjithashtu kritikoi reagimin e organizatës ndaj krizës së pengjeve.
