TIRANË- Deputetja Monika Kryemadhi duket se i ka lënë pas krahëve zgjedhjet e 11 majit dhe politikën në përgjithësi. D...
BOTA
E rëndë në Shkodër/ 19-vjeçarja plagos me thikë vëllain e saj të mitur
M.B.Përditësimi i fundit 15 Mars 2025, 12:07
SHKODRA- Një ngjarje e rëndë është regjistruar në Shkodër nga ku raportohet se një 19-vjeçare ka plagosur me thikë vëllain e saj të mitur 7-vjeç. Sipas policisë, 19-vjeçarja është proceduar në gjendje të lirë, për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”. Ngjarja ka ndodhur ditën e djeshme në banesë ndërsa tashmë 19-vjeçarja është dërguar në Spitalin Psikiatrik Shkodër për të marrë asistencën e nevojshme, pasi vuan nga shëndeti mendor.
Njoftimi:
Specialistët për Hetimin e Krimeve ndaj Personit referuan materialet në Prokurori, ku filloi procedimi në gjendje të lirë për shtetasen B. M., 19 vjeçe, banuese në Shkodër, për veprat penale “Plagosje e rëndë me dashje” dhe “Prodhimi, mbajtja, blerja apo shitja pa leje e armëve të ftohta”, pasi ditën e djeshme në banesën e saj, ka dëmtuar me mjet prerës (thikë), vëllain e saj të mitur, 7 vjeçar, i cili ndodhet jashtë rrezikut për jetën. Shtetasja B. M., është dërguar në Spitalin Psikiatrik Shkodër për të marrë asistencën e nevojshme, pasi vuan nga shëndeti mendor.
