Kryeministri Edi Rama po zhvillon një takim me drejtuesit e gjimnazeve, në një kohë kur protestat në Tiranë vijojnë prej di...
BOTA
EMRI/ Do të dëshmonte kundër bandës për të cilën punonte, ekzekutohet në një aeroport në Brazil eksperti i kriptomonedhave
M.B.Përditësimi i fundit 9 Nëntor 2024, 09:11
BRAZIL- Një biznesmen brazilian, me lidhje me një nga grupet më të fuqishme kriminale është qëlluar për vdekje në aeroportin Guarulhos në Sao Paulo. Sipas mediave të huaja, Antonio Vinicius Gritzbach kohët e fundit kishte hyrë në një marrëveshje për pranimin e fajësisë me prokurorët vendas për të dhënë informacion në lidhje me Primeiro Comando da Capital (PCC), ose Komandën e Parë të Kapitalit teksa si rezultat mori kërcënime me vdekje nga banda.
Gjithashtu bëhet me dije se tre të tjerë u plagosën në sulm, ndërsa momenti kur dy persona me kapuç dolën nga një makinë me automatikë dhe filluan të qëllonin jashtë terminalit të aeroportit, u kap nga kamerat e sigurisë. Gritzbach, një ish-anëtar i PCC, hodhi çantën e tij dhe u përpoq të ikte, por ai u qëllua shumë herë dhe ndërroi jetë në vendngjarje.
Eksperti i kriptomonedhave kishte qenë në proces për t’u treguar zyrtarëve se si e ndihmoi grupin të pastronte miliona dollarë. Mediat e huaja po ashtu raportojnë se ai dikur konsiderohej si një “lojtar” kyç në operacionin e bandës. Si pjesë e marrëveshjes së tij për pranimin e fajësisë, Gritzbach kishte premtuar se do të ndihmonte hetuesit të gjenin anëtarët e tjerë dhe të dorëzonin dokumentet. Në këmbim, prokurorët thuhet se i kishin ofruar Gritzbach një falje gjyqësore dhe një ulje të dënimit të tij për pastrim parash.
