I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
BOTA
Tërmetet në Santorini, largohen mijëra vendas dhe të huajt, ishulli thuajse i shkretë! Mitsotakis, thirrje për qetësi
M.B.Përditësimi i fundit 5 Shkurt 2025, 14:27
SANTORINI- Vendasit dhe të huajt vijojnë të largohen nga Santorini pasi aktiviteti sizmik mbetet ende shqetësuese. Sipas mediave greke, më shumë se 11,000 njerëz janë larguar nga ishulli që nga e diela, me fluturime shtesë emergjente janë planifikuar edhe për gjithë ditën e sotme. Më shumë se 300 tërmete janë regjistruar në dy ditët e fundit pranë ishullit dhe disa ekspertë thonë se lëkundjet mund të vazhdojnë për javë të tëra.
Autoritetet kanë mbyllur shkollat dhe kanë lajmëruar qytetarët që të shmangin grumbullimet, por kryeministri Kyriakos Mitsotakis ka kërkuar qetësi. Deri më tani nuk janë raportuar dëme të mëdha në ishull përveç shembjes së dherave, por paralelisht janë marrë masa emergjente për çdo rast.
Sizmologët i konsiderojnë lëkundjet e fundit si të vogla, duke mos e përjashtuar mundësinë e një lëkundjeje të madhe. Shumica e tërmeteve më të fortë e kanë origjinën nga një zonë rreth ishullit të vogël Anydros, në veri-lindje të Santorinit. Me aktivitetin sizmik që mbetet intensiv në rajon, shkencëtarët janë në gatishmëri jo vetëm për Santorinin, por edhe për Amorgos, Anafi dhe Iosin.
