FOTOLAJM/ BBC publikon pamjet nga Los Angelos: Imazhe të fuqishme të shkatërrimit, humbjes dhe heroizmit

foto nga los angelos

KALIFORNI- Zjarret kanë marrë pushtetin në Los Angelos, duke detyruar mijëra njerëz të evakuohen në vende të sigurta, ndërsa flakët kanë shkrumbuar shtëpi të vogla apo pallate të mëdha. Ndërsa zjarret vijojnë, imazhet e publikuara nga BBC paraqesin ndjenja frike, dëshpërimi dhe solidariteti në qytetin e madh të Kalifornisë.

Shenja e parë alarmuese e situatës që vijoi, ishte tymi i dendur që vinte nga kodrat e zonës së pasur të Palisades të Los Angelos, që kufizohet me Santa Monikën dhe bregdetin e famshëm të Malibu. Banorët e Los Angelos janë mësuar me zjarret, por zjarri i ardhur nga Palisades u përhap me shpejtësi dhe doli shumë shpejt jashtë kontrollit. Kushtet e thata dhe erërat e forta favorizuan flakët dhe e bënë të vështirë vënien nën kontroll nga zjarrfikësit. 

Njerëzit u urdhëruan të evakuoheshin, ndërsa disa prej tyre kishin vetëm disa minuta për të marrë me vete sendet e çmuara dhe të largohenin për të shpëtuar jetën e tyre. Këto janë nga zjarret më shkatërruese që kanë goditur ndonjëherë qytetin dhe vlerësimet paraprake sugjerojnë se kostoja e dëmit do të shkojë në miliarda dollarë. Me mijëra qytetarë të pastrehë dhe të tjerë që ende përpiqen të bashkohen me të dashurit e tyre, zjarret kanë shkaktuar një ngarkesë emocionale dhe pasiguri të thellë për të ardhmen.

zjarri ne los angelos bbc

Galeria fotografike (

)