Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
BOTA
Groposi partneren në kopshtin e shtëpisë para 30 viteve, arrestohet 78-vjeçari në Belgjikë
E.DPërditësimi i fundit 2 Maj 2024, 22:16
fotot ilustruese
BELGJIKË- Një belg 78-vjeçar është arrestuar me dyshimin për vrasjen e ish bashëshortes së tij 30 vjet më parë. Ndërsa ky rast u rihap kur mbetjet u zbuluan të shtunën e kaluar, pasi pronari i një shtëpie në Sint-Martens-Latem, një fshat në jugperëndim të Gentit, u kërkoi punëtorëve të punonin kopshtin e tij. Por pronari lajmëroi menjëherë policinë, e cila doli në përfundimin në bazë të shumë provave të forta se eshtrat i përkisnin një gruaje 48-vjeçare, një ish-fqinjë, e cila ishte zhdukur që nga viti 1994.
Gjithashtu si rezultat, një hetues hapi një hetim për vrasje dhe vendosi të thërriste për të dëshmuar ish-partnerin e viktimës, një burrë tashmë 78 vjeç i identifikuar si Hans D. Por 78-vjeçari u procedua penalisht të martën dhe u ndalua me një byzylyk elektronik. Sipas gazetës flamande De Standaard, Hans D ka rrëfyer para hetuesve se ka varrosur trupin e partneres së tij, megjithëse aktualisht nuk e pranon vrasjen.
"Ai po bashkëpunon plotësisht me hetimin," tha avokati i Ashley Bix një gazete tjetër, Het Nieuwsblad.
Zhdukja e viktimës ndodhi më 12 nëntor 1994 dhe partneri i saj, një zejtar i njohur sipas raportimeve të mediave, nuk ishte hetuar në atë kohë. Pesë vjet më vonë ai kishte dhënë versionin e tij të ngjarjeve në një intervistë që dha për një rrjet televiziv. Ai kishte shpjeguar se partnerja e tij ishte zhdukur papritur nga shtëpia një natë kur ai kishte shkuar për të bërë pazar në supermarket dhe më pas për të parë një ndeshje futbolli, ka shkruar De Standaard.
