Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
BOTA
I morën flakë flokët extension pasi ndezi cigaren, ndërron jetë 46-vjeçarja në Angli
S.BPërditësimi i fundit 3 Maj 2024, 16:15
Tracy
ANGLI- Një grua ka ndërruar jetë pasi flokët e saj extension morën flakë dhe u dogjën teksa ajo ndezi një cigare. Fijet sintetike të flokëve të Tracy Ann Gardiner besohet se morën flakë ndërsa ajo ishte në kuzhinë.
Më pas, 46-vjeçarja shkoi në shtrat, ku flokët pikuan mbi rrobat dhe shtratin e saj duke shkaktuar një flakë. Tracy u gjet në dhomën e gjumit të mbushur me tym në County Durham dhe ajo u deklarua e vdekur në vendngjarje.
Fqinjët u përpoqën të shpëtonin gruan, por u bllokuan nga shtëllungat e tymit të zi. David Bennett i tha gjykatës Crook Coroners se ai fillimisht u përpoq të trokiste për të lajmëruar Tracyn, por hyri në derën e pasme kur nuk mori asnjë përgjigje
Zjarrfikësit mbërritën dhe e ndaluan zjarrin duke përdorur aparate të specializuara të frymëmarrjes përpara se të gjenin Tracyn në shtratin e saj. Shkak i vdekjes është dhënë si pasojë e zjarrit dhe dehjes akute nga alkooli.
Craig Jewkes, kreu i hetimit të zjarrit në Shërbimin e Zjarrfikësve dhe Shpëtimit të Qarkut Durham dhe Darlington, tha: Tracy ndezi një cigare, ndoshta në ose rreth tavolinës së kuzhinës, fatkeqësisht i është kapur në një pjesë të parukës ose flokëve sintetike dhe ajo ka lëvizur.
"Flokët sintetikë të djegur kanë rënë në rrobat e saj. Ky është shkaku i vetëm që mund ta identifikojmë drejtpërdrejt."
