Abdul Ballout, 21 vjeçari i cili dyshohet se kreu sulmin terrorist në Berlin, është vrarë këtë të diel, 26 korrik, g...
BOTA
Atentati ndaj Donald Trump, zbardhet mesazhi i autorit para sulmit
PiranjatPërditësimi i fundit 26 Prill 2026, 20:09
Autori i sulmit me armë zjarri në Shtëpinë e Bardhë, Cole Thomas Allen, u kishte dërguar një mesazh anëtarëve të familjes së tij pak para sulmit të së shtunës në mbrëmje, duke e quajtur veten “vrasës federal miqësor” dhe duke zbuluar se synonte të vriste zyrtarë qeveritarë.
Sipas raportimit të New York Post, mesazhi, i cili iu dorëzua policisë nga një i afërm i tij, përmbante deklarata të forta dhe justifikime ideologjike.
“Të kthesh faqen tjetër vlen kur je vetë i shtypur. Unë nuk jam personi që u përdhunua në një qendër ndalimi. Nuk jam peshkatari që u ekzekutua pa gjyq”, shkruante Allen.
“Nuk jam një fëmijë që u vra në një sulm me bombë në shkollë, as një fëmijë që vdes nga uria, as një adoleshente e abuzuar nga kriminelët e shumtë të kësaj qeverie. Të kthesh faqen tjetër kur shtypet dikush tjetër nuk është sjellje e krishterë, por bashkëfajësi në krimet e shtypësit”, shtonte ai.
Në mesazhin e tij ai përmendte edhe mënyrën e sulmit, duke pretenduar se do të përdorte municion me saçma për të kufizuar dëmet anësore, megjithëse pranonte se do të kalonte edhe përmes të tjerëve për të arritur objektivat, nëse do të ishte e nevojshme.
Autori rezulton të ketë qenë anëtar i një grupi të quajtur The Wide Awakes dhe dyshohet se kishte marrë pjesë në një protestë “No Kings” në Kaliforni, ku studionte dhe punonte si mësues.
