Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
BOTA
Iluzioni/ Zbulimi shokues nga vdekja tragjike e zhytësve në “shpellën e peshkaqenëve”
PiranjatPërditësimi i fundit 21 Maj 2026, 17:39
Zhytësit finlandezë nga Dan Europe u përpoqën të hidhnin dritë mbi rastin e vdekjes së pesë zhytësve italianë në Maldive dhe identifikuan detajet që i çuan ata në një përfundim. Kishte një kombinim rrethanash që rezultuan fatale për pesë zhytësit italianë që humbën jetën në Maldive.
Sipas informacionit të mbledhur nga ekipi me përvojë i finlandezëve, konsiderohet shumë e mundshme që pesë zhytësit italianë të jenë mashtruar nga sytë e tyre dhe të jenë përballur me një iluzion. Një sipërfaqe e madhe rëre nën ujë e kombinuar me pak ajër që u kishte mbetur, është e mundur që ata të jenë panikuar dhe të kenë krijuar iluzionin se nuk mund të dilnin nga shpella në të cilën kishin hyrë.
Zhytësit finlandezë të Dan Europe kanë identifikuar një detaj të rëndësishëm që mund të shpjegojë pse zhytësit italianë u çorientuan. E gjitha lidhet me morfologjinë e shpellës dhe tuneleve të saj. Shpella pranë Alimathas është e arritshme pas zhytjes në një thellësi prej rreth 50 metrash, pikë nga e cila hapet një shpellë e parë e madhe dhe shumë e ndritshme. Baza e shpellës është një fund ranor. Në fund të kësaj shpelle ka një korridor, ku ka pak dritë, por "dukshmëria, duke përdorur ndriçim artificial, ishte e shkëlqyer", thotë Laura Maroni, CEO e Dan Europe.
Korridori është pothuajse 30 metra i gjatë dhe 3 metra i gjerë dhe të çon në dhomën e dytë të shpellës. Kjo hapësirë është e madhe, e rrumbullakët, e bollshme por e errët, pa dritë natyrale dhe rreth 65 metra e thellë. Ajo që vlen të përmendet është se para fundit të korridorit, ndodhet një kodër ranore që krijohet nga lëvizja dhe vorbullat e ujit. Për të dalë nga dhoma e dytë rrethore dhe për t'u kthyer në pikën e fillimit, duhet të rihyhet në të njëjtin korridor. Dhe këtu vjen pjesa e vështirë siç e kanë përjetuar ekspertët finlandezë.
Në këtë pikë duna e rërës vepron në mënyrë mashtruese, pothuajse si një mur dhe fsheh korridorin që të çon jashtë. Nga ana tjetër, në të majtë, ende duke dalë nga shpella e dytë, ka një korridor tjetër me një fund të sheshtë, disa dhjetëra metra të gjatë. Trupat e zhytësve italianë u gjetën të gjithë brenda kësaj shpelle, sikur të ishin ngatërruar, por "nuk kishte rrugëdalje", vëren Laura Marroni, CEO e Dan Europe.
Nëse ky skenar është i vërtetë dhe zhytësit kanë marrë rrugën e gabuar, duke ngatërruar daljen, "atëherë do të kishte qenë shumë e vështirë të ktheheshin, veçanërisht me furnizimin e kufizuar të ajrit ", vëren artikulli i La Repubblica. Zhytësit italianë po përdornin rezervuarë 12 litra.
Që do të thotë se në thellësinë që kishin arritur, ata kishin shumë pak kohë për t'u kthyer në sipërfaqe. "Po flasim për dhjetë minuta, ndoshta më pak", thotë Marroni. Nëse ata tani do të kishin këmbëngulur në rrugën e gabuar që po ndiqnin, atëherë kjo kohë, për shkak të panikut, do të kishte qenë edhe më e shkurtër. /PiranjatNews/
