Deputetja e pavarur Marjana Koçeku ka zbuluar se ka marrë oferta politike nga subjekte të ndryshme, por ka vendosur të vijojë aktivit...
BOTA
Inteligjenca amerikane: Putin është i bindur për fitoren në Ukrainë. Zbardhet qëllimi tjetër i tij
PiranjatPërditësimi i fundit 19 Mars 2026, 19:28
Presidenti rus, Vladimir Putin, vijon të besojë se ushtria e tij po bën përparim në Ukrainë, duke mos parë arsye për të ndalur luftën, sipas një raporti të inteligjencës amerikane.
Nexta raporton se dokumenti paralajmëron se vazhdimi i konfliktit mund të çojë në një përshkallëzim të rrezikshëm, deri në përfshirjen e drejtpërdrejtë të NATO-s dhe një kërcënim potencial për Shtetet e Bashkuara të Amerikës. Zyrtarët e inteligjencës theksojnë se ekziston rreziku i një konflikti më të gjerë, që mund të përfshijë edhe përdorimin e armëve bërthamore.
Megjithëse përparimi i forcave ruse është ngadalësuar ndjeshëm, Kremlini nuk ka dhënë sinjale për tërheqje. Madje, në fillim të këtij viti, ushtria ruse humbi më shumë territor sesa arriti të pushtonte, duke shënuar herën e parë që nga nëntori i vitit 2023 që ndodh një situatë e tillë.
Raporti vë në dukje gjithashtu rolin e Kinës, e cila përmes mbështetjes ekonomike po ndihmon Rusinë të vazhdojë prodhimin e armëve. Megjithatë, kjo mbështetje po e bën Moskën gjithnjë e më të varur nga Pekini.
Sipas vlerësimeve të inteligjencës amerikane, dinamika aktuale e luftës mbetet e paqëndrueshme dhe me rreziqe të larta për sigurinë globale./PiranjatNews/
