Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
Ish-forcat e sigurisë së Asadit dorëzojnë armët e tyre qeverisë së re siriane
ZH.LLPërditësimi i fundit 19 Dhjetor 2024, 21:14
dorezimi i armeve
SIRI- Ish-forcat e sigurisë të regjimit sirian i kanë dorëzuar armët e tyre qeverisë së re të përkohshme të lidhur me rebelët në qytetin jugor të Sirisë, Latakia, raporton CNN.
Pamjet, të filmuara në fillim të kësaj jave, tregojnë radhë të gjata burrash të veshur me rroba civile teksa presin t'i dorëzojnë armët e tyre personale të zjarrit zyrtarëve të Ministrisë së Brendshme të qeverisë së re siriane.
Kjo lëvizje vjen pasi udhëheqja e re e Sirisë, e udhëhequr nga grupi Hayat Tahrir al Sham (HTS), ka punuar për të transferuar pushtetin në mënyrë paqësore dhe për të fituar legjitimitet ndërkombëtar.
Një udhëheqës i qeverisë siriane i lidhur me rebelët, Mohammad Al-Bashir, është emëruar si kryeministër i përkohshëm i vendit për tre muajt e ardhshëm, gjatë të cilit qeveria e tij do të mbikëqyrë kalimin e Sirisë në një qeveri të re, njoftoi ai në një fjalim televiziv javën e kaluar.
Ministrat e ish-Qeverisë së Shpëtimit të lidhur me HTS, si dhe nëpunësit civilë të epokës së Asadit, do të vazhdojnë të shërbejnë si ministra në qeverinë e përkohshme deri më 1 mars 2025, tha Al-Bashir.
Ndërkohë, udhëheqësi i HTS, Abu Mohammad al-Jolani – udhëheqësi de fakto i vendit – tha të enjten se Siria nuk është një kërcënim për botën dhe bëri thirrje për heqjen e sanksioneve ndërkombëtare.
