"Ishin një familje e qetë dhe e pasur!" E rëndë në Itali, 17-vjeçari vret prindërit dhe vëllain 12-vjeç, ndryshon disa herë dëshminë: Kam vrarë vetëm babain

ITALIA- Një tragjedi e trefishtë ka ndodhur në një familje në Itali, ku një 17-vjeçar ka vrarë më thikë dy prindërit e tij dhe të vëllain. Sipas mediave italiane, ngjarja ka ndodhur gjatë natës në Paderno Dugnano, në provincën e Milanos, ku çifti Fabio C., 51-vjeç dhe Daniela A., 49-vjeç, dhe një nga fëmijët e tyre, Lorenzo C., 12-vjeç, u gjetën të vdekur në shtëpi.

Bëhet me dije se 17-vjeçari, autori i kësaj ngjarjeje, ka rrëfyer në polici se ai vrau babain e tij pasi kishte goditur me thikë nënën dhe vëllain e tij 12-vjeçar. Djali fillimisht u shpjegoi hetuesve se u zgjua në mes të natës duke dëgjuar britmat e nënës dhe vëllait të tij, që ishin qëlluar për vdekje nga babai i tij. Ai tha se hyri në dhomën e vëllait dhe pa babain të ulur në një karrige me thikë pranë tij, dhe pa trupat e vëllait të vogël në shtrat dhe nënën në dysheme. Në atë moment ai tha se kishte vrarë babain.

Pasi ka kryer krimin, 17-vjeçari ka telefonuar policinë, duke thënë “kam vrarë babin tim, ejani”. Ky version sipas hetuesve ra, për shkak se 17-vjeçari nuk kishte shenja sherri dhe gjatë analizës së banesës u konstatuan disa mospërputhje me dëshminë e tij. Në përfundim të marrjes të gjatë në pyetje, djali ka ndryshuar më pas historinë e tij, duke pranuar se jo vetëm se kishte vrarë të atin, por të gjithë familjen, pa përfshirjen e personave të tjerë.

Raportohet se 3 viktimat janë goditur disa herë me thikë. Trupi me më shumë lëndime është ai i djalit 12-vjeçar. Për këtë, hipoteza e hetuesit është se i pari që është goditur ka qenë i mituri. Trupi i tij u gjet nga karabinierët në dhomën e gjumit që ai ndante me vëllain e tij të madh. Në të njëjtën dhomë, ngjitur me atë të prindërve, janë gjetur edhe trupat e babait dhe nënës. Fqinjët raportuan se ata ishin një familje e qetë dhe e pasur. 

italia