Domate, speca dhe vezë janë disa prej produkteve që protestuesit kanë marrë me vete në tubimin e sotëm, ndërsa pritet q&...
BOTA
Izraeli do të organizojë festivalin me të madh të LGBTQ në Lindjen e Mesme
PiranjatPërditësimi i fundit 20 Prill 2026, 23:01
Izraeli pritet të organizojë në qershor 2026 një nga eventet më të mëdha të këtij lloji në rajon, një festival katërditor “Pride” që do të zhvillohet pranë Deti i Vdekur.
Eventi, i quajtur “Pride Land”, është planifikuar të mbahet nga 1 deri më 4 qershor dhe synon të krijojë një hapësirë të dedikuar për aktivitete të ndryshme, duke përfshirë muzikë, art, pushim dhe argëtim, të organizuara gjatë gjithë ditës dhe natës.
Sipas organizatorëve, projekti parashikon ngritjen e një zone të përkohshme në mes të shkretëtirës së Judesë, me hotele, ambiente plazhi, skena koncertesh dhe hapësira të tjera funksionale që do të operojnë 24 orë.
Producenti kryesor i eventit, Aaron Cohen, është shprehur se ky është projekti më i madh që kanë realizuar deri më tani, duke theksuar se janë investuar miliona për krijimin e kësaj strukture të përkohshme.
Përveç aktiviteteve muzikore dhe festive, organizatorët kanë parashikuar edhe hapësira kulturore, zona relaksi dhe aktivitete për familje, duke synuar një event më të gjerë sesa një festival i zakonshëm.
Në skenën kryesore pritet të performojnë artistë si Harel Skaat, Dana International dhe Ivri Lider, si dhe DJ të ndryshëm nga komuniteti vendas.
Organizatorët theksojnë se eventi nuk synon të zëvendësojë paradën tradicionale “Pride” në Tel Aviv, por të shtojë një aktivitet tjetër në kalendarin e eventeve të këtij lloji në vend.
Ky festival vjen në një periudhë sfiduese për turizmin në Izrael, për shkak të situatës së tensionuar në rajon.
