Megjithëse Shqipëria nuk ka një industri të zhvilluar në përmasat e ekonomive të mëdha europiane, ajo renditet ndë...
BOTA
Izraeli kërcënon udhëheqësin e Hezbollahut: Ai do të paguajë me kokën e tij
PiranjatPërditësimi i fundit 21 Prill 2026, 09:34
Me një ton veçanërisht të ashpër, Ministri izraelit i Mbrojtjes, Israel Katz, lëshoi kërcënime të drejtpërdrejta kundër udhëheqjes së Hezbollahut.
Ai theksoi se Izraeli do të vazhdojë të veprojë ushtarakisht edhe në kushtet e një armëpushimi, me qëllim mbrojtjen e forcave të tij nga çdo kërcënim në Liban.
“Kryeministri Benjamin Netanyahu dhe unë kemi urdhëruar Forcat Mbrojtëse të Izraelit (IDF) të veprojnë me forcë, edhe gjatë armëpushimit, me qëllim mbrojtjen e ushtarëve tanë në Liban nga çdo kërcënim”, tha ministri.
Ai përsëriti se përparësia kryesore e qeverisë izraelite është rivendosja e sigurisë për banorët e Izraelit verior, duke theksuar se “detyrimi ynë ndaj banorëve të veriut mbetet i qartë dhe i panegociueshëm: të garantojmë sigurinë”.
Në të njëjtën kohë, Katz paralajmëroi se Izraeli do të vazhdojë të përballet me çdo kërcënim që buron nga zonat në veri të lumit Litani në Liban, duke zgjeruar fushën e operacioneve të mundshme.
Duke e drejtuar gishtin personalisht ndaj Naim Qassem, Sekretari i Hezbollahut, Ministri i Mbrojtjes deklaroi se “Nasrallah shkatërroi komunitetin shiit në Liban dhe Naim Qassem do ta përfundojë atë dhe do të paguajë me humbjen e shtëpive dhe territorit, ashtu siç ndodhi me Hamasin në Rafah dhe Beit Hanoun në Gaza derisa të paguajë me kokën e tij”.
