JD Vance i kundërpërgjigjet Jennifer Aniston: E neveritshme të flasësh për vajzën time 2-vjeçare, nëse do të kishe probleme me fertilitetin do të ndihmoja...

Jennifer Aniston dhe Vance

SHBA- Kandidati i Trump, JD Vance i është kundërpërgjigjur aktores Jennifer Aniston për postimin e saj ku shprehu hapur pakënaqësinë ndaj deklaratave të mëparshme të senatorit 39-vjeçar për gratë që nuk janë nëna. Vance kishte thënë: Zonja pa fëmijë me mace që janë të pakënaqura në jetën e tyre dhe ... duan të bëjnë pjesën tjetër të vendit të pakënaqur. 

Në komentin e saj, Aniston theksoi se nuk mund ta imagjinojë një burrë me deklaratën e mësipërme, në pozicionin e zëvendëspresidentit të Shteteve të Bashkuara, duke iu referuar edhe vajzës së tij. 

“Zoti Vance, lutem që vajza juaj të ketë fatin të ketë fëmijët e saj një ditë. Shpresoj që ajo të mos ketë nevojë t'i drejtohet IVF si një opsion të dytë. Pse po përpiqesh ta privosh edhe atë nga kjo” tha aktorja.

Me deklaratat e tij të reja në emisionin e Megyn Kelly, Vance i është përgjigjur Aniston: Kjo është e neveritshme, sepse vajza ime është 2 vjeç. Dhe së dyti, nëse ajo do të kishte probleme me fertilitetin, siç thashë në atë fjalim, do të bëja gjithçka që mundesha për ta ndihmuar, sepse mendoj se familjet dhe foshnjat janë një gjë e mirë.

jennifer aniston