Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
BOTA
"Joe të dua, por kemi nevojë për një kandidat të ri" Aktori George Clooney i kërkon Biden të tërhiqet: Nuk do fitojmë në nëntor!
M.B.Përditësimi i fundit 10 Korrik 2024, 21:55
George Clooney dhe Joe Biden
SHBA- Aktori George Clooney, një mbështetës i zjarrtë i demokratëve, i ka kërkuar Presidentit të SHBA-ve Joe Biden të tërhiqej nga zgjedhjet e ardhshme presidenciale të nëntorit mes dyshimeve për shëndetin e tij. Aktori i Hollivudit dhe mbledhësi i shquar i Partisë Demokratike tha se presidenti kishte fituar shumë beteja në karrierën e tij, "por e vetmja betejë që ai nuk mund ta fitojë është lufta kundër kohës".
Komentet e tij erdhën pasi Nancy Pelosi Pelosi, ish-kryetarja e Dhomës së Përfaqësuesve, iu bashkua shqetësimit në rritje në parti, duke thënë se koha "po ikën" që Biden të vendosë nëse do të qëndrojë në garën kundër Donald Trump pas debatit të tij katastrofik.
“Zyrtarët e lartë demokratë, senatorët, anëtarët e Dhomës së Përfaqësuesve dhe kandidatët e tjerë që rrezikojnë të humbasin në nëntor duhet t’i kërkojnë këtij presidenti që vullnetarisht të tërhiqet”, shkroi aktori në artikullin e tij të publikuar nga mediat në SHBA, duke theksuar gjithashtu dashurinë e tij për Joe Biden.
“Unë e dua Joe Biden. Si senator, si nënkryetar dhe si president. Unë e konsideroj atë një mik dhe besoj në të. Besoj në karakterin e tij. Besoj në moralin e tij. Në katër vitet e fundit, ai ka fituar shumë nga betejat me të cilat është përballur. Por, e vetmja betejë që ai nuk mund ta fitojë është lufta kundër kohës”, ka shkruar ai më tej.
Ai u bëri thirrje demokratëve kryesorë, duke përmendur Chuck Schumer, Hakeem Jeffries dhe Nancy Pelosi, që t’i kërkojnë Bidenit që të tërhiqet vullnetarisht.
“Ne nuk do të fitojmë në nëntor me këtë president,” paralajmëroi Clooney, duke shtuar se ligjvënësit me të cilët ai ka folur privatisht, ndajnë këtë pikëpamje.
