Sot vendi ynë do të jetë nën ndikimin e masave ajrore relativisht të qëndrueshme dhe të nxehta.
Moti parashikohet kryesish...
BOTA
"Ka presion ndaj Kurtit", Asosacioni, Daçiç: Nuk ka asnjë garanci se statuti do të pranohet
e. dPërditësimi i fundit 5 Maj 2024, 16:16
Ivica Daçiç
KOSOVA- Ministri i Punëve të Brendshme i Serbisë, Ivica Daçiç ka deklaruar sot se ka presion perëndimor ndaj Albin Kurtit për të ndërmarrë një hap të pakthyeshëm drejt formimit të Asociacionit të komunave me shumicë serbe.
"Ka presion për të detyruar Kurtin të bëjë një hap të pakthyeshëm drejt themelimit të Asocacionit. Cili është ai hap? Kjo është pyetja miliona dollarësh. A duhet të dorëzojë draft-statutin në Gjykatën Kushtetuese? Nuk jam i sigurt se është një hap kaq i madh. sepse gjykata thjesht mund ta refuzojë atë. Nuk ka asnjë garanci se statuti do të pranohet”, tha Daçiç për TV Prva.
Gjithashtu Daçiç ka theksuar se edhe ky hap është i papranueshëm për Kurtin, i cili pretendon të ketë propozimin e tij në vend të draft-statutit evropian.
"Ai më pas bën thirrje për konsultime me kryetarët e komunave, të cilët janë të gjithë shqiptarë. Kjo është rrëmuja që kemi këtu. Disa vende perëndimore po përpiqen të kornizojnë Kurtin që të paktën të dërgojë statutin në gjykatë," shtoi Daçiç.
Megjithatë Daçiç tha se nëse kjo do të ndodhë apo jo dhe nëse Kurti mund të sigurojë hyrjen në Këshillin e Evropës në bazë të kësaj do të varet nga vendosmëria e bashkësisë ndërkombëtare. Duke ditur kokëfortësinë e Kurtit, ai pret që të arrihet një kompromis për të kaluar ndonjë vendim.
Po ashtu Daçiç ka theksuar se anëtarësimi i Kosovës në Këshillin e Evropës është i rëndësishëm pasi reflekton qëndrimet ndaj anëtarësimit të Kosovës në organizata të tjera ndërkombëtare.
