Pak para zgjedhjeve për Parlamentin e Berlinit, grupi i hakerëve Rhysida vodhi të dhëna, shantazhoi Senatin e Berlinit dhe, pasi përp...
BOTA
Kompromisi për zbatimin e marrëveshjes për tarifat me SHBA, Merz: Evropa po i mban angazhimet e saj
PiranjatPërditësimi i fundit 20 Maj 2026, 11:57
Kancelari gjerman Friedrich Merz përshëndeti sot kompromisin e arritur brenda Bashkimit Evropian për të zbatuar marrëveshjen e arritur vitin e kaluar me Shtetet e Bashkuara.
“Arritëm një marrëveshje mbi zbatimin e marrëveshjes tarifore BE-Shtetet e Bashkuara. Evropa po i mban angazhimet e saj”, shkroi ai në X.
Presidenti i SHBA-së, Donald Trump, u kishte dhënë evropianëve afat deri më 4 korrik për të ratifikuar marrëveshjen e arritur pas negociatave të mbajtura gjatë verës së vitit 2025 në Turnberry të Skocisë.
Ishte presidentja e Komisionit Evropian Ursula von der Leyen që njoftoi kompromisin nga PE dhe KiE për uljen e tarifave doganore.
“Unë e mirëpres marrëveshjen e arritur nga Parlamenti Evropian dhe Këshilli për uljen e tarifave doganore mbi eksportet industriale të SHBA-së në BE. Kjo do të thotë që së shpejti do ta përmbushim pjesën tonë të Deklaratës së Përbashkët BE-SHBA, siç është premtuar.
Tani u bëj thirrje bashkëligjvënësve të veprojnë shpejt dhe ta përfundojnë procesin. Së bashku, ne mund të sigurojmë tregti transatlantike të qëndrueshme, të parashikueshme, të balancuar dhe reciprokisht të dobishme”, shkroi Von der Leyen.
