Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
BOTA
Kosova me afro 3 mijë biznese me qarkullim mbi 1 milion euro
n.fPërditësimi i fundit 13 Mars 2025, 15:01
KOSOVË- Gjatë vitit 2024, në Kosovë ishin 2,864 biznese me qarkullim mbi 1 milion euro. Në vendin e parë është Prishtina, me 1,037 biznese milionëshe. Pason komuna e Prizrenit me 225 biznese milionëshe. E treta vjen Ferizaj, si komuna me 218 biznese milionëshe. Me 1,037 biznese që raportojnë qarkullim mbi 1 milion euro, Prishtina mbetet qendra kryesore ekonomike e Kosovës, duke lënë pas komunat e tjera me një diferencë masive.
Sipas të dhënave të publikuara nga Administrata Tatimore e Kosovës (ATK) dhe të përpunuara nga Instituti GAP, gjithsej 2,864 biznese në Kosovë kanë tejkaluar këtë prag financiar në vitin 2024. Pas Prishtinës, Prizreni renditet i dyti me 225 biznese milionëshe, ndjekur nga Ferizaj me 218 të tilla.
Ndër komunat e tjera që kanë një numër të konsiderueshëm të bizneseve me të ardhura mbi një milion euro janë: Graçanica me 153 biznese, Gjilani me 130 biznese, Fushë Kosova me 127 biznese, Peja me 116 biznese, Gjakova dhe Mitrovica e Jugut me nga 80 biznese secila dhe Lipjani me 79 biznese.
Tregtia me shumicë dhe pakicë është sektori dominues në shumicën e komunave, ndjekur nga ndërtimtaria dhe shërbimet profesionale. Gjithashtu, një pjesë e konsiderueshme e bizneseve operojnë në fushën e informimit dhe komunikimit, si dhe shërbimet administrative dhe mbështetëse.
Prishtina përbën mbi 36% të totalit të bizneseve milionëshe në Kosovë. Investimet e huaja direkte në Kosovë kanë arritur një nivel rekord prej 856.3 milionë eurosh në vitin 2024. 75.5 për qind e investimeve janë derdhur në sektorin e pasurive të paluajtshme.
647.8 milionë euro (75.7% e IHD-ve) shkuan për blerjen dhe zhvillimin e pronave. Nga ana tjetër, sektori i prodhimit ka marrë vetëm 21.1 milionë euro, ose 2.5% të totalit të IHD-ve.
Agjencia e njohur e lajmeve, “Reuters”, ka publikuar së fundi artikull në lidhje me rrezikun që u kanoset disa bizneseve të Kosovës nga ngrirja e fondeve të agjencisë amerikane për ndihma të jashtme, USAID, me urdhër të presidentit amerikan, Donald Trump.
Sipas mediumit, ShBA-ja ka qenë njëra nga përkrahëset më të mëdha të Kosovës që nga ndarja e shtetit të vogël ballkanik nga Serbia, duke i dhuruar ndihma me vlerë të 1,1 miliard dollarëve nga viti 2001, sipas shifrave të qeverisë amerikane.
Organizata me seli në Prishtinë, GAP, tha se USAID-i tani për tani është duke menaxhuar 17 projekte me vlerë të më shumë se 156 milionë dollarëve, por është e paqartë se sa prej kësaj shume në të vërtetë është disbursuar.
Kosova është njëra nga shtetet më të varfra në Evropë dhe mbetet në nevojë të skajshme për ndihma./ Monitor
