Mbyllja e 9 postave serbe në veri, Stano: Hap i njëaanshëm dhe i pakoordinuar! Mund të çojë në tensione të reja

Stano

KOSOVË- Policia e Kosovës të hënën ka realizuar një aksion në veri, ku ka mbyllur nëntë objekte të Postës së Serbisë. Mësohet se në Mitrovicë të Veriut dhe Leposaviç janë mbyllur nga tre objekte, në Zveçan dy, dhe një në Zubin Potok. Lidhur me këtë aksion të policisë ka folur zëdhënësi i Bashkimit Evropian, Peter Stano.

Stano në konferencë për media tha se ky veprim në veri është kundër dialogut Kosovë-Serbi. Ai shtoi se veprime të tilla mund të çojnë deri tek tensionet e reja mes dyja vendeve. Zëdhënësi i BE-së theksoi se po shohin më shumë veprime të pakoordinuara dhe të njëanshme nga qeveria e udhëhequr nga kryeministri i Kosovës, Albin Kurti.

“E konsiderojmë si hap të njëaanshëm dhe të pakoordinuar pikërisht për arsyet që i listuam në deklaratën e lëshuar mbrëmë. Palët, Kosova e Serbia, kanë arritur një marrëveshje në vitin 2013 për telekomunikim, ku thuhet se shërbimet postare do të diskutoheshin në faza të mëvonshme. Që nënkupton se kishte dialog të përfshirë në zgjidhjen e këtyre çështjeve.

Për fat të keq, ajo që bëri qeveria e Kosovës dhe autoritetet atje gjatë ditës së djeshme, ishte absolutisht e pa koordinuar dhe do të ketë pasoja negative për njerëzit në veri të Kosovës, dhe është një shkelje e marrëveshjes së dialogut, për çka edhe lëshuam edhe deklaratën dhe ishim shumë të qartë. Kjo është kundër dialogut, dhe një tjetër shembull i veprimeve të njëanshme e të pakoordinuara të administratës së Kurtit”, ka vijuar Stano.

“Por, të gjitha çështjet që listuar, janë çështje ku Kosova ka probleme. Fakti që BE-ja vendosi masa kundër Kosovës vitin e kaluar, është reflektim i hapave që quan në eskalim. Tani po shohim më shumë hapa të njëanshëm, veprime të pakoordinuara. Kjo nuk është në fakt shtensionim, kjo çon në tensione të reja. Dhe kjo duhet të kuptohet mirë nga ata që marrin vendime në Prishtinë”, tha ai.

stano kosova