Sindikata e Punonjësve të Universiteteve të Shqipërisë (SPUSH) i është bashkuar reagimeve ndaj dhunës policore ndaj st...
BOTA
Ministrja e Jashtme e Gjermanisë paralajmëron: Nëse Ukraina do të humbasë luftën, Moldavia do të jetë shteti i radhës që do pushtohet
E.DPërditësimi i fundit 17 Shtator 2024, 16:11
GJERMANI- Ministrja e Jashtme e Gjermanisë, Annalena Baerbock, ka paralajmëruar se në rast se Ukraina do ta humbte luftën me Rusinë, Moldavia do të ishte shteti i radhës që do të pushtohet.
Baerbock tha ditën e sotme para gazetarëve se vetëm përkrahja për Ukrainën e garanton mbijetesën e Moldavisë, shtet fqinj me Ukrainën dhe Rusinë. Gjithashtu sipas saj, gjithçka që duhet bërë nënkupton edhe për stabilitetin e Moldavisë.
"Gjithçka që bëjmë për të mbështetur Ukrainën do të thotë gjithashtu nxitje e stabilizimit në lidhje me Moldavinë. Është e qartë se cili është shqetësimi më i madh i njerëzve këtu se nëse Ukraina bie, Moldavia është vendi i radhës”, tha Baerbock.
Ministrja gjermane ka vizituar kryeqytetin moldav Kishinau, për Platformën e Partneritetit me aleatë nga Franca dhe Rumania. Gjatë vizitës, Baerbock ka thënë se presidenti i Rusisë, Vladimir Putin, ishte i vendosur ta destabilizonte Moldavinë, por e arriti të kundërtën pasi Moldavia tash është në rrugën drejt anëtarësimit në Bashkimin Evropian. Moldavia ka qenë kandidate serioze që nga 2022-a për anëtarësim në BE.
