Shoqata e Biznesit të Vogël dhe të Mesëm u ka bërë thirrje të gjithë sipërmarrësve shqiptarë që t&...
BOTA
Moldavi, dhjetëra mijëra qytetarë tubim pro-evropian! Presidentja zotohet: Deri në 2030-ën do jemi pjesë e BE-së
PiranjatPërditësimi i fundit 21 Maj 2023, 18:43
Presidentja Maida Sandu ka akuzuar Rusinë se po kërkon të sabotojë integrimin e saj evropian duke nxitur protesta dhe propagandë antiqeveritare. Ndërkohë Moska mohon ndërhyrjen në punët e Moldavisë.
"Moldavia nuk dëshiron të shantazhohet nga Kremlini. Ne nuk duam të jemi më në periferi të Evropës," tha Sandu, duke u zotuar se Moldavia do të bëhet anëtare e BE deri në vitin 2030. Policia tha se më shumë se 75,000 demonstrues ishin të pranishëm.
Presidentja e Parlamentit Evropian Roberta Metsola, në një vizitë në Kishinau, iu drejtua gjithashtu tubimit, duke thënë se Evropa do ta mirëpresë Moldavinë "me krahë dhe zemra të hapura".
"Ju do të sillni Moldavinë në Evropë dhe do ta bëni Evropën më të fortë," tha ajo.
Demonstruesit u bënë thirrje krerëve politikë të Moldavisë që të ndryshojnë kushtetutën për të përmendur në mënyrë specifike orientimin evropian të vendit.
Udhëheqësi i partisë opozitare pro-ruse Shor, biznesmeni në mërgim, Ilan Shor, u tha mbështetësve të tij në protestat rivale në disa qytete përmes lidhjes video se ai do të kërkonte një referendum mbi politikën e jashtme të Moldavisë.
Shor, i sanksionuar nga SHBA si agjent i ndikimit rus në Moldavi, u dënua me 15 vjet burg në mungesë muajin e kaluar për rolin e tij në vjedhjen e 1 miliard dollarëve në vitin 2014 nga bankat moldave.
